Það væri náttúrulega langbest

ef sæmilega vel gefin geimvera myndi gefa kost á sér sem næsti forseti Bandaríkjanna. Hún gæti kannski bjargað heiminum úr þeirri úlfakreppu og stríðsbrölti sem Bush hefur komið honum í.
Skítt með það þó þetta væri lítill grænn kall, með gul augu, sem tæki sköpunarsöguna ekki alvarlega. Alla vega myndi hann eiga gulu glyrnurnar sameiginlegar með Bush kallinum svo almenningur í Bandaríkjunum myndi ekki fatta neinn mun.

Forsetaframbjóðendur sjá sýnir

Ást Ljóð um minn besta lífsförunaut

Er það nokkuð undarlegt að elska
yndisfögru bláu augun þín.
Ég á þig og mun þig ætíð annast
elsku hjartans blómadýrðin mín.
Úr augum þínum les ég ást og ábyrgð
sem aldrei bregst á meðan lífs þú ert.
Og ef að illir draumar að mér sækja
þú undurblítt minn vanga strýkur létt.
Ég var í sorg er Guð þig til mín sendi
svo ofboðs litla písl með augun dökk.
Þú ert mín ást í þessu skrýtna lífi
- hve ótrúlegt að elska heitast - kött.

Þa var nebblea þa!

Natan litli var í sjötta bekk grunnskóla. Einn daginn var samfélagsfræði og þá spurði kennarinn hvað feður þeirra störfuðu. Svör barnanna voru með ýmsu móti.: Einn faðirinn var lögga, annar slökkviliðsmaður, þriðji skrifstofumaður, fjórði vann í verslun og svo framvegis.

En kennarinn tók eftir því að Natan litli var óvenju hljóður og lét lítið fyrir sér fara.
Hvað gerir svo pabbi þinn? Spurði kennarinn Natan litla.Hann dansar nakinn fyrir framan karla á öllum aldri á veitingastað á kvöldin og næturnar. Svo græðir hann fullt á því að fara með þeim sem best borga út í portið bak við veitingastaðinn, þar sem hann dansar einkadans fyrir þá í nokkrar mínútur.

Kennarinn varð eðlilega í miklu uppnámi yfir svari Natans og í miklu fáti skipaði hann hinum krökkunum að fara að lita. En Natan litla tók hann afsíðis.

Er þetta allt satt sem þú sagðir um pabba þinn.... dansinn og allt það?  Nei, nei, svaraði Natan litli feiminn. Pabbi vinnur hjá Kaupþingi, en ég þorði sko alls ekki að segja það fyrir framan alla hina krakkana. 

Skráning í evrum gæti hafist í nóvember

Byggist þá ekki upp vaxandi hópur vampýra á Íslandi?

 Ef við förum að drekka grassafa sem er byggður upp eins og blóð?   Og ég sem var að blogga um sorglegustu frétt dagsins í gær, að mér fannst, um slátrunarbílinn með óheppnu rollunum sem valt  á vegakanti svo fjöldi fjár drapst á 'ómannúðlegan' hátt.
Algjörlega óþarfar pælingar, sé ég núna. Nú neyðumst við ekki lengur til þess að lifa á kjötmeti eins og við höfum gert síðan á dögum syndafallsins. Lausnin er komin fyrir þá sem ekki hafa haft, sálarþroska til þess ennþá, að sleppa blóðugu safaríku steikunum sínum.
Þetta er algjör Himnaríkissending, hreint og beint  tær snilld og örugglega upphugsuð af Himnahöfðingjanum sjálfum, okkur til sáluhjálpar.
Við snúum okkur því bara að grassafanum, hvers samsetning er svo útpæld að hún er byggð upp eins og blóðið sem við höfum hingað til innbyrt samviskulaust með því að éta meðbræður okkar, blessuð dýrin.
Það er bara verst að þá fyllist hér allt af grængolandi vampýrum. 

Grænn heilsubótardrykkur byggður upp eins og blóð

Ef hann hefði aðeins, gert kerti úr eyrnamergnum í stað þess að éta hann

og kveikt svo á því, væri annað uppi á teningnum. Þá myndi hann örugglega slá  í gegn eins og Shrek. Ætli þeir séu annars eitthvað skyldir??

Eyrnamergsát gæti skaðað stjórnmálaferilinn

Þetta finnst mér sorglegasta fréttin á mbl.is í dag

Aumingja blessuð dýrin sem geta engum vörnum við komið þegar þau eru leidd til slátrunar til þess að menn geti svo gætt sér á holdi þeirra. Flest allt það fé sem slátrað er, er ekki nema eins sumars gamalt, það eru litlu lömbin sem við elskum á vorin en étum á haustin
Það er svo mikill tvískinnungur í okkur mönnunum. Okkur finnst sjálfsagt að dekra við hunda og ketti og hafa þau dýr að vinum, en drepa og éta fé, svín og nautgripi og fleiri dýr. Samt geta þau dýr líka verið ágætis gæludýr og eiga allt eins skilið að lifa góðu lífi eins og gæludýrin okkar.
Þegar ég var níu ára dvaldi ég með fjölskyldu minni í nokkrar vikur á bóndabæ í Vestmannaeyjum, bóndabæ sem nú er kominn inn í miðjan Vestmannaeyjabæ.
Besti leikfélagi okkar systkinanna var lítil kálfur þarna á bænum. Og hann hafði gaman af því að leika sér líka við okkur krakkana. Hann rassakastaðist út um allt tún með okkur í eftirdragi, haldandi í halann á honum. Og við fengum að gefa honum að drekka úr fötu, því ekki fékk þetta litla kusubarn að drekka úr spenum móður sinnar. Þess vegna elskaði hann að sjúga puttana á okkur krökkunum með hrjúfu  tungunni sinni. Litli kálfurinn sem lék sér  svona áhyggjulaust við okkur mannanna börn var svo vafalaust drepinn og étinn um haustið. Kálfakjöt er jú svo ljúffengt finnst okkur mönnunum og fleiri kjötætum,
Ég hef heldur aldrei getið skilið það sveitafólk sem elur upp heimalninga og kynnist þeim náið sem litlum vinum sínum, en getur svo samviskulaust farið með þessa sömu heimalninga til slátrunar. Eða jafnvel hér áður fyrr slátrað heimalningnum sjálft heima við, ef gesti bar óvænt að garði sem þurfa matar með. Það hef ég reynt sjálf, því eitt sinn er við fjölskyldan komum í heimsókn á bóndabæ nokkurn, þegar ég var 12 ára gömul, var heimalningnum slátrað í matinn handa okkur gestunum.
Ég sem hafði leikið mér við þennan sama heimalning fyrr um daginn og gefið honum að drekka úr pela gat ekki borðað neitt, en laumaði kjötbitunum á disknum mínum undir borðið til hundana sem þar lágu. Þeir höfði líka leikið sér við heimalninginn, en þeim fannst allt í lagi að éta hann fyrir því.

Hvenær verður mannskepnan svo þróuð að hún hætti að drepa og éta ung börn dýranna meðbræðra okkar á jörðinni? Guð ætlaðist ekki til þess að mennirnir ætum dýrin, heldur hefðum þau sem vini okkar. Samkvæmt Biblíunni var það syndin sem maðurinn framdi sem fékk hann til þess að verða kjötæta, því við vorum í upphafi ekki sköpuð til þessarar óhæfu. 

Tugir fjár drápust þegar flutningabíll valt

Þess vegna hata gæludýrin Hrekkjavökuna?

Barbiehestar?

Hvað er orðið um imynd hins harðgerða íslenska hests? Nú þegar tekið er uppá því að skreyta hófa hans með glimmer og mála hann, eins og t.d. blesuna, að hvítta hana. Svo er komið sérstakt fax shampó til þess að faxið glansi sem mest. Já og allskonar stenslar eins og hjörtu t.d. til þess að klessa á hestana. Mér finnst þetta rugl og ekkert annað en niðurlæging fyrir okkar sérstaka íslenska hestakyn. Hvað verður næsta númer að lita fax og tagl bleikt eða fjólublátt eins og á 'The little pony', hestunum, sem voru og eru vinsæl leikföng barna?

Það er sagt í fréttinni að þetta snyrtidót hestana, sé sérlega vinsælt hjá ungum stúlkum, mér finnst líklegt að það séu einhverjar Barbie týpur sem fíla þessa vitleysu.  Það verður gaman eða hitt þó heldur að sjá hesta með glimmerhófa tölta hérna um Elliðaárdalinn í næsta nágrenni. 

Mér finnst íslenski hesturinn fallegur eins og hann er frá náttúrunnar hendi, enda vinsæll víða um lönd og óþarfi að skreyta hann með glansi, glimmer og hjörtum, eins og einhverja leikfanga fúgúru, nóg er nú vitleysan samt.  

Glimmerhófar og glansandi fax

Ertu loft, jörð, eldur eða vatn?

Hver af þessum fjórum myndum höfðar mest til þín? Ertu kannski skýjaglópur, eða með báða fæturna á jörðinni? Eða ertu kannski eldhugi og brennandi hugsjónamanneskja eða þá síbreytilegur eins og sjórinn og vatnið?

Einn góður fyrir svefninn

Guðrún fór einn daginn til prestsins í kirkjunni sinni: - Séra, sagði hún - ég á við dálítið vandamál að stríða. Eiginmaður minn steinsofnar alltaf í messunum þínum. Það er orðið ansi vandræðalegt. Hvað get ég eiginlega gert?

- Ég er með hugmynd, svaraði presturinn. Taktu þessa saumnál með þér næst og þegar ég tek eftir því að hann er að sofna, gef ég þér merki með því að kinka kolli og þú stingur hann í lærið með nálinni.

Næsta sunnudag tók presturinn eftir því að Einar, maður Guðrúnar var að sofna og ákvað að setja planið í gang.

Og hver var það sem fórnaði sér fyrir syndir ykkar? Spurði presturinn kinkandi kolli til Guðrúnar.
Jesús Kristur! Öskraði Einar þegar Guðrún stakk hann í lærið. - Mikið rétt hjá þér Einar, sagði presturinn brosandi.

- Presturinn tók svo eftir því þegar Einar var að dotta aftur. - Hver hefur gefið ykkur frjálsan vilja og mun gefa ykkur eilíft líf? Spurði hann söfnuðinn og gaf Guðrúnu merki. Guð minn góður! Skrækti Einar þegar hann fékk nálina í lærið. - Rétt hjá þér á ný, sagði presturinn skælbrosandi.

Presturinn hélt áfram að predika, en tók ekki eftir því að Einar sofnaði eina ferðina enn. Hann gleymdi sér síðan í ræðunni og þegar hann lagði áherslu á orð sín, kinkaði hann óvart kolli.

Og hvað  sagði Eva við Adam eftir að hafa fætt honum 99 punda son hans? Spurði hann söfnuðinn hátt og snjallt.

Nálin stakkst í lærið á Einari sem öskraði: -  EF ÞÚ STINGUR ÞESSUM HELVÍTIS HLUT Í MIG EINU SINNI ENN, ÞÁ BRÝT ÉG HANN Í SUNDUR OG TREÐ HONUM UPPÍ RASSGATIÐ Á ÞÉR!