Jól

Ert þú
-í raun og veru - sonur Guðs?
Spyr fréttamaðurinn í sjónvarpinu
Jesúm Krist.
Það eru þín orð, svarar Frelsarinn,
með bros á vör.

Jólatréð er sofnað,
það hallast ískyggilega
á aðra hliðina
og mér flýgur í hug
- hvort það
hafi líka stolist í sherryið
sem var falið í þvottavélinni
á jólanótt.
Rauð könguló
er snyrtilega bundin um topp þess
en gulir götuvitar
lýsa dauflega á slútandi greinum.

Úti sitja hrafnar
á ljósastaurunum
krunkandi
eftir feita hangikjötinu
sem við hentum í ruslið
á aðfangadagskvöld.

Á svörtum himni
skín einmana- óljós
- stjarna?

Lag við ljóðið mitt 'Í sjöunda himni´.

Ég er þrumu ánægð með það að nú er búið að gera, að því er ég best veit alls fimm lög við  jafn mörg  ljóða minna..
Sesselja Guðmundsdóttir tónmenntakennari gerði nýjasta lagið og er það við eftirfarandi ljóð, sem hún hefur æft með kvenna og barnaröddum.
Hún ætlar að senda mér lagið bráðum eða svona fljótlega eftir að það fer að snjóa almennilega. Kannski fyrir jól, það er aldrei að vita? Ég hlakka til að heyra lagið! Kannski maður verði bara ódauðlegur eftir allt saman.

 

                             Í sjöunda himni

                               Smá engill með eplakinnar
                           þyrlar upp snjóskýjunum
                           í sjöunda himni.                    
                           Ærslast við lítinn hvolp
                           og hundslappadrífan      
                           fellur til jarðar.

                           Börnin gera engla í snjóinn.

                                                               

Var svo ekki einhver flórgoði..

að blóta með þeim líka??

Ásatrúarmenn blóta