Ágústnótt

Þú undurhlýja ágústnótt
ég ennþá um það dreymi
er inn í tjald þú komst um kvöld
og kysstir mig í leyni.

Þó liðin séu ár og öld,
heil eilífð um það bil.
Þeim kossi og hvarmaljósum tveim
gleymt kann ég ei né vil.

Því leiðir skildu á lífsins braut.
Þín lá um hafsins strauma.
En ég sat heima og bað og beið
í bríma fornra drauma.

Sólarlag við sæinn. Vatnslitir

Myndin

Ég hið ytra af yndisþokka er full
og eldist ei.
En í hjarta mér er margt sullumbull
og myndin af Dorian Grey.