'Álfadans'

'Í tungsljósi á ís yfir Tungufljót ég reið,
teygða ég þar hestins á snarpasta skeið;
en viðsjált, viðsjált er á vetrardegi vötnin að ríða.

Hart greip hann sprettinn og sparði ei afl,
spegilhált var svellið og stæltur var skafl.
En viðsjált, viðsjált er á vetrardegi vötnin að ríða.

Allt í einu fældist og frýsaði hátt
fákurinn og öfuga snerist í átt.
Því viðsjált, viðsjált er á vetrardegi vötnin að ríða.

Gat ég að líta, hvar álfa fimur fans
fetaði út í vatnið og sté þar í dans.
Já, viðsjált, viðsjált er á vetrardegi vötnin að ríða.

Hver um annan kyrpingur kænlega hljóp,
köldum geislum stafaði fölvan á hóp,
svo viðsjált, viðsjált er á vetrardegi vötnin að ríða.

Annarleg sveif mér þá löngun í lund,
lysti mig að sækja þann kynlega fund;
en viðsjált, viðsjált er á vetrardegi vötnin að ríða.

En ei fékk ég hestinum otað úr stað,
og lof sé Guði fyrir, hann bannaði það,
því viðsjált, viðsjált er á vetrardegi vötnin að ríða.

Því þar sem álfar frömdu sinn feiknstafaleik,
feigðarhylur gein þar, og spöngin var veik,
svo viðsjált, viðsjált er á vetrardegi vötnin að ríða.'

 

Grímur Thomsen 1820-1896

Athugasemdir

[gerður rósa gunnarsdóttir, 26.2.2008 kl. 08:43]

Geðgt flott mynd :)

[Svava frá Strandbergi , 26.2.2008 kl. 10:00]

Gerður, sérð þú einhverja mynd? Ég sé engar myndir lengur, blokkeraði þær út og kann ekki að setja þær inn. Kan du venligst hjælpe mig?

[Sigurður Þór Guðjónsson, 26.2.2008 kl. 10:26]

Þið eru báðar kolgeðgt! Og ég er asni!

[Kristín Katla Árnadóttir, 26.2.2008 kl. 11:36]

Falleg mynd.

[Svava frá Strandbergi , 26.2.2008 kl. 12:33]

Asnaleg sveif mér þá löngun í hund
lysti mig að klæðast sem kynlegasta sprund....

Botinið þið nú!

[www.zordis.com, 26.2.2008 kl. 13:52]

Ég sé myndirnar!

að botna;

púff þú segir nokkuð.

Asnalegri löngun hafði í Nóa Kropp

höfuðprúð með fjaðrir og brakandi Popp. 

[Jens Sigurjónsson, 26.2.2008 kl. 14:47]

Falleg mynd.

Bestu kvedjur fra London.

Jenni.

[Svava frá Strandbergi , 26.2.2008 kl. 15:51]

Okey Zordís, vísan okkar er þá svona. Bæti einu orði inn í hjá mér.

Asnaleg sveif þá að mér löngun í hund.

Lysti mig að klæðast sem kynlegasta sprund.

Asnalegri löngun hafði í Nóa kropp.

Höfuðprúð með fjaðrir og brakandi popp. 

Það eru tveir stuðlar þarna í fyrstu línu. Asna l eg og l öngun

og einn höfuðstafur í annari línu L ysti.

Svo eru hjá þér tveir stuðlar í þriðju línu A snalegri og l öngun

En þá vanta L í fjórðu línu sem höfuðstaf.  

Svo hvernig væri  þá, að breyta Höfuðprúð í Lagðprúð ?

þá verður vísan svona með því að bæta einu orði sem er 'þó´inn í þinn part 

 Asnaleg sveif þá að mér löngun í hund.

Lysti mig að klæðast sem kynlegasta sprund.

Asnalegri löngun þó hafði í Nóa kropp.

Lagðprúð með fjaðrir og brakandi popp! 

'

Þetta er algjör tímamótakveðskapur hjá okkur. Við ættum að senda þetta í ljóðasamkeppni! 

[Svava frá Strandbergi , 26.2.2008 kl. 15:54]

Stuðullin í þriðju línu er Asna l egri, en ekki A snalegri.

[Katrín Snæhólm Baldursdóttir, 26.2.2008 kl. 18:55]

Guðný mín..er þetta ný mynd hjá þér..mér finnst hún líka geðgt flott...en ég botna ekkert í þessum botnum!!!

Hlakka til að sjá sýninguna þína..hvenær átti hún aftur að vera..í apríl??'

[Svava frá Strandbergi , 26.2.2008 kl. 19:03]

Já, Katrín mín, þetta er nýleg mynd. Takk fyrir að segja að hún sé geðgt flott. Botnarnir já, humm, þeir eru geðgt líka  finnst mér, eða þessi eini sem er kominn frá Zordísi. Við Zordís erum báðar svo botnlaust geðgt.

Jamm, sýningin verður einhvern tímann í apríl. Ég er geðgt nervös yfir henni. 

[Ásdís Sigurðardóttir, 26.2.2008 kl. 19:56]

Rosalega er ég farin að hlakka til sýningarinnar ykkar, ætla að fara að spara

[Ragnhildur Jónsdóttir, 2.3.2008 kl. 12:26]

Það verður meiriháttar að sjá sýninguna. Hvenær verður hún? Mér finnst myndirnar þínar alveg frábærar  eða ... geðgt flottar