Óðurinn til rósarinnar

Ó munúðar perla,
ó mærasta rós
ó munni hinn helgasti
heilagrar frúar
er ást sína umvefur
og ávöxtinn ber.
Sem er Frelsarinn, fæddur,
á foldu hjá þér.

Athugasemdir

[Svava frá Strandbergi , 26.11.2007 kl. 00:00]

Um næstu helgi ætla ég að baka piparkökur með ömmubörnunum, Elísu Marie 6 ára og Daníel 5 ára.

[Svava frá Strandbergi , 26.11.2007 kl. 00:11]

Guðmundur, ég ætla bara að baka piparkökur og eitt piparkökuhús. Ég hætti iað baka óteljandi sortir af smákökum og lagtertum og Guð má vita hvað þegar börnin mín fluttu að heiman. Nú ætla ég bara að baka piparkökurnar og húsið af því að ömmubörnin eru orðin nógu stór til að hafa gaman af því. En þú ert velkomin í piparkökur ef þú gerir þer þær að góðu. Ég bakaði í den átta sortir af smákökum fyrir utan terturnar og piparkökuhúsið.

[Svava frá Strandbergi , 26.11.2007 kl. 00:12]

Takk fyrir að segja að myndin sé flott, en hvernig finnst þér ljóðið? Finnst þér það nokkuð gróft?

[Svava frá Strandbergi , 26.11.2007 kl. 00:19]

Já, svo límdi ég alla kökustampana aftur með límbandi og setti efst uppí skápana í eldhúsinu, svo börnin stælu ekki kökunum fyrir jól. En því miður kom það fyrir nokkur jól í röð að kökuboxin voru samt galtóm. Krakkarnir gengu á mig og spurðu um kökurnar og ég sagðist ekkert skilja í þessu. En þau sögðu að þau vissu alveg að ég hefði læðst fram úr nótt eftir nótt og rifið upp límbandið á kökuboxunum og étið allar kökurnar sjálf. Og þetta var alveg satt hjá þeim. Upp úr þessu fór ég að minnka baksturinn.

[Svava frá Strandbergi , 26.11.2007 kl. 00:31]

Þér er hollast að kíkja þá fyrir jól svo þú fáir þá einhverjar piparkökur. En láttu vita af þér nokkrum dögum áður því heima hjá mér er alltaf allt í drasli.

[Ragnhildur Jónsdóttir, 26.11.2007 kl. 01:16]

Yndislegt og fallegt ljóð. Passar svo vel rétt fyrir upphaf aðventunnar.

Nú fer ljósið að vaxa hratt innra með okkur, þar til hámarki er náð um jólin

og Ljósið getur virkilega fæðst. 

Myndin gerir þessa fæðingu svo raunverulega, svo efnislega og nálæga

okkur, svo skiljanlega.

Takk fyrir góða ljóðahugleiðingu Guðný Svava  

[Svava frá Strandbergi , 26.11.2007 kl. 02:17]

Takk sömuleiðis Ragnhildur.

[Marta B Helgadóttir, 26.11.2007 kl. 20:23]

Góð jólahugleiðing. Takk fyrir mig.

[Svava frá Strandbergi , 26.11.2007 kl. 23:26]

Bestu kveðjur til ykkar líka

[Svava frá Strandbergi , 27.11.2007 kl. 10:28]

Ég var með verk í tveim gallerium í Reykjavík Hallgerður. En þetta gætu svo sem hafa verið verk eftir mig. Nei ég er ekki hætt í vatnslitunum., bara í pásu.

[Kristín Katla Árnadóttir, 27.11.2007 kl. 21:01]

Falleg mynd og ljóð kveðja til þín.