Sól rís sól sest ' Góða nótt'

       
Góða nótt


Dagurinn kveður,

mánans bjarta brá

blikar í skýjasundi.

Lokkar í blænum,

leiftur augum frá,

loforð um endur fundi.


Góða nótt, góða nótt,

gamanið líður fljótt,

brosin þín bíða mín,

er birtan úr austri skín.

Dreymi þig sólskin og sumarfrið,

syngjandi fugla og lækjarnið.

Allt er hljótt,  ástin mín, góða nótt.

 

Ég held að þetta ljóð sé eftir Ása í bæ,sáluga, samlanda minn úr Eyjum, sem mér veittist sá heiður að kynnast aðeins í lifenda lífi. Hann var skyldur mér í móðurætt og eitt sinn er ég hitti hann og við bæði við skál, sagði hann að ég væri með nornaaugu. 

Athugasemdir

[Ásdís Sigurðardóttir, 10.10.2007 kl. 00:15]

Ég var nú bara alveg viss um að þetta væru eftir þig, svo eitthvað líkt því sem þú mundir skrifa. Knús á kisur og þig.

[Katrín Snæhólm Baldursdóttir, 10.10.2007 kl. 08:46]

Fallegt og íslenskt...bæði mynd og ljóð.

[Kristín Katla Árnadóttir, 10.10.2007 kl. 09:49]

Góðan  dag þetta er fallegt ljóð.

[Þorkell Sigurjónsson, 10.10.2007 kl. 14:05]

Gaman að segja frá því Svava, að nokkrum sinnum lenti ég með Ása þar sem rjátlað var við stút og ávallt nefndi hann að við værum frændur og komnir frá galdramönnum úr Skaftafellssýslu og nefndi þá  hann Ögmund forfaðir okkar í því sambandi.  Þannig að mig undrar ekki ummæli Ása um augun í þér Svava mín.

[www.zordis.com, 10.10.2007 kl. 20:55]

Norna augu, en sætt!  Myndin er mjög falleg og ljóðið hefði allt eins getað verið þitt!

Kærleikur um allan heim, til þín, mín og ykkar hinna.