Hæstaréttardómur yfir nauðgara til skammar ! ' Til eru fræ sem fengu þennan dóm'

Fimm hæstaréttardómarar:, Gunnlaugur Claessen, Garðar Gíslason, Markús Sigurbjörnsson, Ingibjörg Benediktsdóttir og Ólafur Börkur Þorvaldsson, milduðu dóm Héraðsdóms yfir nauðgara úr fjórum árum niður í þrjú og hálft ár og lækkuðu miskabætur verulegar.
Konur og börn eru léttvæg fundin hjá dómstólum landsins. Ef að karlmaður hefði orðið fyrir svona hrottalegu ofbeldi og nauðgun er ég viss um að dómurinn hefði orðið þyngri. Ég tala nú ekki um ef að fórnarlambið hefði verið hæstaréttarlögmaður, eða þá barn einhvers af þessum dómurum sem kváðu upp þennan óforskammaða dóm.
Hvað þarf til, til þess að opna augu dómarana fyrir alvarleika nauðgana og afleiðingum þeirra??? Kannski að fórnarlambið láti lífið vegna áverkana sem það hlýtur?
Annars má til sanns vegar færa að fórnarlömb nauðgana láti lífið við nauðgunina, því ævi þeirra verður aldrei söm.
þolendur nauðgana þurfa að berjast fyrir lífi sínu bæði andlega og líkamlega, eftir svona hryllilega árás og niðurlægingu á líkama þeirra og sál allt sitt líf.
Við fólkið, almenningur í þessu landi, þurfum að koma skýrum skilaboðum til dómstóla landsins um að svona skammaleg vinnubrögð verði ekki liðin framvegis.

           

             Til eru fræ

 

Til eru fræ, sem fengu þennan dóm:
Að falla í jörð, en verða aldrei blóm.
Eins eru skip, sem aldrei landi ná,
og iðgræn lönd, er sökkva í djúpin blá,
og von sem hefur vængi sína misst,
og varir, sem að aldrei geta kysst,
og elskendur, sem aldrei geta mæst
og aldrei geta sumir draumar ræst.

Til eru ljóð, sem lifna og deyja í senn,
og lítil börn, sem aldrei verða menn.

 
  Davíð Stefánsson frá  Fagraskógi

Athugasemdir

[Sigfús Sigurþórsson., 17.9.2007 kl. 14:38]

Já, hann Davíð kuni þetta.

Ég vill endilega koma þessu máli í Kastljósið.

[Svava frá Strandbergi , 17.9.2007 kl. 14:47]

Já, Sigfús það væri frábært að fá einhverja skelegga persónu til þess að koma þessum mótmælum okkar á framfæri.

[Sigfús Sigurþórsson., 17.9.2007 kl. 14:51]

Sammála, þetta er þegar komið á þeirra borð.

[Kristín Katla Árnadóttir, 17.9.2007 kl. 15:51]

Ég er alveg samála ykkur. Þetta er til skammar.

[halkatla, 17.9.2007 kl. 16:38]

hryllilegt að það sé komið árið 2007 og dómarar þykjast enn geta dæmt svona svívirðilega, þessi dómur og nærri því allir undangengnir dómar í kynferðisafbrotamálum eru bara

[Katrín Snæhólm Baldursdóttir, 17.9.2007 kl. 16:55]

 ´takanlegt ljóð en því miður upplifun einhverrar konu sem hefur lent í svona ofbeldi.

Já og nú er ofbelsihrottinn í sumarfríi í útlöndum og kemur örugglega aldrei aftur...og menn fara um bloggið og kalla okkur sem krefjumst svara um þessi vinnubrögð ofbelsiskríl??? Ein leiðin til að halda venjulegu fólki óvirku er að rugla það svo mikið í ríminu að það veit ekki lengur hvað er hvað. Það finnst mér vera að gerast hér. Allt gjörsamlega á skjön við alla heilbrigða skynsemi og á að heita lög og regla???

Skilettabara ekki!!!!

[Svava frá Strandbergi , 17.9.2007 kl. 16:59]

Frábært, Sigfús!

[Svava frá Strandbergi , 17.9.2007 kl. 17:11]

Ég myndi segja að dómararnir væru þeir sem eru ruglaðir í ríminu en ekki við Katrín mín. Og það er ekki nóg með það, að dómstólar landsins kveði upp upp dóma sem eru ekkert annað en ofbeldi gegn siðferðiskennd allra rétt hugsandi manna og kvenna í landinu.
Lögreglan veður líka uppi alvopnuð með ofbeldi gagnvart saklausum borgurum eins og málið með ungu drengina tvo sanna.
Ísland er orðið algjört bananalýðveldi, þar sem lögleysa er við lýði og lögreglan fremur ofbeldisglæpi á borgurunum. Sjá t.d. þvagleggsmálið. Það á með réttu að fara fyrir mannréttindadómstólinn.

[www.zordis.com, 17.9.2007 kl. 19:12]

Með ólíkindum alveg!  Flott hjá ykkur bloggvinir að vekja athygli á þessu!

Kveðja inn í íslenska haustnótt¨.