Er hún ekki bara að gefa stefnuljós??

Verst ef hún blikkar bæði með hægra og vinstra auganu. Það gæti ruglað fólk í ríminu.  Henni væri nú svo sem trúandi til þess þar sem hún er algjörlega úti að aka í vel flestum málum.

Blikkandi Palin ruglar fólk í ríminu

Ísland???

Ég missti andlitið

og er í djúpum skít.

Vantar gefins grímu

og góðan drullusokk.

Segja Ísland hafi orðið fyrir auðmýkingu

Ísland selt á útsölu!!

Ætli það verði ekki næsta fyrirsögn, sem maður les?

Glitnir í Svíþjóð seldur á útsölu

Fussum svei! Danir með sína nýlendustefnu, myndu örugglega koma okkur til bjargar

ef þeir hefðu einhvern minnsta rökstuddan grun um að e.t.v. væri olíu að finna á landgrunni Íslands sem þeir gætu hugsanlega notið góðs af.

Simbabve norðursins

Ég þori varla að segja það....

en kannski við hefðum bara átt að vera kjur í Noregi á sínum tíma!!

Norsk stjórnvöld leggja fram 41 milljarð evra

Það væri kannski ekki svo vitlaust

að hverfa aftur til miðalda hvað varðar viðurlög  við alvarlegu misferli eins og t.d. grófri fjárglæfrastarfsemi.  Ég er þá að tala um fjárglæfrastarfsemi sem bitnar ekki aðeins á okkar eigin þjóð heldur fjölda annarra þjóða líka. 

Við slíku misferli mætti til dæmis taka upp stjaksetningar á Austurvelli og til vara setja upp gapastokk á Arnarhóli.

En við erum víst orðin svo siðmenntuð að slíkt yrði aldrei tekið á mál á okkar tímum. Enda er þetta  kannski meira  sagt í hálfkæringi,  en fullri alvöru af minni hálfu.
En mér datt þetta samt  í hug og þó hef ég alltaf reynt að bjarga frekar pöddum sem bera hættulega gerla inn til mín en að gera þeim mein.

Leita réttar umbjóðenda á Íslandi

Ég veit ei hvað skal segja

en alla vega hefði ég ekki skilið 15 ára dóttur mína eftir í nokkra daga í umsjá ókunnungra aðila í erlendu landi.

Umdeild móðir sökuð um vanrækslu

Manni vöknar nú bara um augu

Enn og aftur hafa Færeyingar sýnt vinarhug sinn í verki gagnvart okkur Íslendingum. Við þurfum svo sannarlega að styrkja bræðraböndin við þessa þjóð sem er svo náskyld og nátengd okkur.  Og sýna þeim samstöðu ef þeir einhvern tíma í  framtíðinni ákveða að losa sig við Dani sem sína 'herraþjóð'. 

 ;Færeyingar hæðast heldur ekki að okkur með því að standa fyrir söfnunarátaki með sparibauka í hendi , merktum rækilega með íslenska fánanum og sjá til þess  að slík uppákoma rati á veraldarvefinn.
Það er fyrir neðan þeirra virðingu að standa fyrir slíkum trúðslátum.

.Annars verð ég einnig að segja það svona í framhjáhlaupi, að mér finnst það stórundarlegt að á okkar tímum skuli Danir ennþá vera með nýlendustefnu í gangi gagnvart Færeyingum og Grænlendingum, þegar allar aðrar þjóðir hafa fyrir löngu séð sóma sinn í  því að  gefa slíka 'einokunaráráttu'' upp á bátinn.

Allir  vita jú að nýlendustefnan hefur alltaf gengið út á það að hafa eitthvað upp úr þeim þjóðum sem fyrir henni verða. Og  eftir nokkru er að slægjast, því Færeyingar og Grænlendingar eiga kannski olíu, ekki satt?

Vinarkveðja frá Færeyjum

Það þarf að bjarga heiminum

frá útbrunnum kapítalismanum og koma með  kerfi sem dugar.

Bandarískar björgunaraðgerðir hafnar

Við verðum víst að bíta í það súra epli að Ísland tilheyrir nú í raun þriðja heiminum

sem eitt allra minnsta þróunarríki sem til er í þessari vesælu veröld. Best væri að snúa  sér aftur til fyrri lifnaðarhátta Þó  í  aðeins breyttri mynd væri. Taka t.d.  þarfasta þjóninn inn á göturnar í staðinn fyrir bílana, nú eða nota bara reiðhjólin. Salta ket og bútungfisk niður í tunnur, súrsa slátur, fara til fjalla að tína fjallagrös. Og  niðri í fjöru má svo finna fínasta krækling og söl.

Við þurfum líka að endurnýta fötin okkar í stað þess að kaupa alltaf ný,  'venda' gömlu kápunum og frökkunum þegar þeir fara að slitna, breyta notuðu kjólunum í nýja með smábreytingum, byrja aftur að bæta sokkana okkar, í stað þess að henda þeim um leið og það kemur gat á þá og svo má lengi telja. Einnig má taka aftur upp bótatískuna með því að bæta slitin föt með skrautlegum bótum eins og tíðkaðist hér áður fyrr.

Við þurfum að herða sultarólina og nota peningana sem við eigum eftir, en ekki kortahelv.... Þó krónan sé orðin  lítils virði veit þá maður alla vega betur hvað haft er  í höndunum ef notaðir eru peningar í stað  bölvað plastsins.

Lærum svo af reynslunni og látum ekki glepjast af gylliboðum bankanna og annarra fyrritækja sem vildu endilega lána sem flestum 100% lán til þess við gætum keypt  allt það sem okkur var talið trú um að við þyrftum að eignast, til þess að geta verið hamingjusöm.
Kapítalisminn er genginn sér til húðar og hann dregur hana alblóðuga á eftir sér eins og Þorgeirsboli sjálfur, illræmdasti draugur Íslandssögunnar.
Það er komin tími til að kveða þennan draug niður í eitt skipti fyrir öll og það þó fyrr hefði verið.

Ísland flautað úr leik