'Sumri hallar hausta fer'

Haustvísa

Sumri hallar, hausta fer,

heyrið snjallir ýtar,

hafa fjallahnjúkarnir

húfur mjallahvítar.

                     'Vetur'. Vatnslitir.

 Það hefur haustað snögglega hérna á Landinu okkar góða undanfarið og það í tvennum skilningi . Laufin hafa visnað og fallið af trjánum og verðgildi krónunnar og hlutabréfin hafa visnað enn hraðar og fallið líka. Og fall þeirra var mikið.

Nú getum við aðeins vonað og treyst því, að líkt og vorið kemur til okkar aftur og trén skarta enn á ný grænum laufum, muni jafnframt fjárhagur lands og lýðs vænkast og grænka til samræmis við það. 

Manni vöknar nú bara um augu

Enn og aftur hafa Færeyingar sýnt vinarhug sinn í verki gagnvart okkur Íslendingum. Við þurfum svo sannarlega að styrkja bræðraböndin við þessa þjóð sem er svo náskyld og nátengd okkur.  Og sýna þeim samstöðu ef þeir einhvern tíma í  framtíðinni ákveða að losa sig við Dani sem sína 'herraþjóð'. 

 ;Færeyingar hæðast heldur ekki að okkur með því að standa fyrir söfnunarátaki með sparibauka í hendi , merktum rækilega með íslenska fánanum og sjá til þess  að slík uppákoma rati á veraldarvefinn.
Það er fyrir neðan þeirra virðingu að standa fyrir slíkum trúðslátum.

.Annars verð ég einnig að segja það svona í framhjáhlaupi, að mér finnst það stórundarlegt að á okkar tímum skuli Danir ennþá vera með nýlendustefnu í gangi gagnvart Færeyingum og Grænlendingum, þegar allar aðrar þjóðir hafa fyrir löngu séð sóma sinn í  því að  gefa slíka 'einokunaráráttu'' upp á bátinn.

Allir  vita jú að nýlendustefnan hefur alltaf gengið út á það að hafa eitthvað upp úr þeim þjóðum sem fyrir henni verða. Og  eftir nokkru er að slægjast, því Færeyingar og Grænlendingar eiga kannski olíu, ekki satt?

Vinarkveðja frá Færeyjum

Það þarf að bjarga heiminum

frá útbrunnum kapítalismanum og koma með  kerfi sem dugar.

Bandarískar björgunaraðgerðir hafnar

Við verðum víst að bíta í það súra epli að Ísland tilheyrir nú í raun þriðja heiminum

sem eitt allra minnsta þróunarríki sem til er í þessari vesælu veröld. Best væri að snúa  sér aftur til fyrri lifnaðarhátta Þó  í  aðeins breyttri mynd væri. Taka t.d.  þarfasta þjóninn inn á göturnar í staðinn fyrir bílana, nú eða nota bara reiðhjólin. Salta ket og bútungfisk niður í tunnur, súrsa slátur, fara til fjalla að tína fjallagrös. Og  niðri í fjöru má svo finna fínasta krækling og söl.

Við þurfum líka að endurnýta fötin okkar í stað þess að kaupa alltaf ný,  'venda' gömlu kápunum og frökkunum þegar þeir fara að slitna, breyta notuðu kjólunum í nýja með smábreytingum, byrja aftur að bæta sokkana okkar, í stað þess að henda þeim um leið og það kemur gat á þá og svo má lengi telja. Einnig má taka aftur upp bótatískuna með því að bæta slitin föt með skrautlegum bótum eins og tíðkaðist hér áður fyrr.

Við þurfum að herða sultarólina og nota peningana sem við eigum eftir, en ekki kortahelv.... Þó krónan sé orðin  lítils virði veit þá maður alla vega betur hvað haft er  í höndunum ef notaðir eru peningar í stað  bölvað plastsins.

Lærum svo af reynslunni og látum ekki glepjast af gylliboðum bankanna og annarra fyrritækja sem vildu endilega lána sem flestum 100% lán til þess við gætum keypt  allt það sem okkur var talið trú um að við þyrftum að eignast, til þess að geta verið hamingjusöm.
Kapítalisminn er genginn sér til húðar og hann dregur hana alblóðuga á eftir sér eins og Þorgeirsboli sjálfur, illræmdasti draugur Íslandssögunnar.
Það er komin tími til að kveða þennan draug niður í eitt skipti fyrir öll og það þó fyrr hefði verið.

Ísland flautað úr leik

Því miður er Ísland orðið

sannkallað bananalýðveldi. Og við getum varla lifað eingöngu á banönunum.

Gjaldeyriskreppa á Íslandi?

Ætli þeir séu nokkuð með rússneska ljósakrónu

í stofunni hjá sér þessir ríku Rússar??

Enginn bilbugur á ofurríkum

Kreppuljóð

Mér kemur það ekkert á óvart lengur
þegar ég opna eggið,
sem mér er ætlað í morgunverð,
að það sé aðeins skurnin tóm.

Það er allt að fara til andskotans í fjármálunum

í heiminum. Verst að ríka pakkið verður samt alltaf ríkt, allavega ríkara en meðal Jóninn

Þá er kona komin með vinnu aftur

Eftir að hafa verið afvinnulaus síðan 1. febrúar 2007, þegar öllum kennurum og leiðbeinendum var sagt upp í Fjölmennt, þar sem ég vann síðast,  er ég nú komin með vinnu aftur.
Álfheiður í Gallery ArtIceland sendi mér tölvupóst og spurði hvort mig vantaði vinnu. En hún er forstöðukona frístundaheimilis fyrir 6 til 9 ára börn. Hún er að byggja upp listasmiðju fyrir börnin í frísstundaheimilinu og vantar sárlega fólk í það.
Listasmiðjan mun byggja á myndlist, leiklist og tónlist, sem sagt öllum mínum áhugamálum.

Ég hlakka til að byrja að vinna aftur, sérstaklega þar sem þessi listasmiðja tengist mínu sviði. 
Og þar sem ég vinn aðeins eftir hádegi mun ég hafa góðan tíma  til þess að sinna myndlistinni áfram. Seinna meir mun ég svo kannski fá mér einhverja vinnu á móti, ef aldur og fyrri störf gefa tilefni til.
En þetta er alla vega ný byrjun eftir allt of langt hlé
En eftir á að hyggja gerði þetta hlé mér líka gott því ég hef aldrei verið virkari í sýningarhaldi en sl. ár, eða þrjár sýningar á einu ári. Bara helv.... gott, ekki satt?

Myndir þú vilja vera frísk/ur ár eftir ár, án þess að missa dag úr vinnu vegna veikinda?

Mig langar til þess að vekja athygli á eftirfarandi;

 

Fræðsluráðstefnur hjá Maður lifandi laugardaginn 27. september 2008

 

 Já það er mögulegt að leysa úr læðingi eigið ónæmiskerfi. Myndir þú vilja vera frísk/ur ár eftir ár án þess að missa dag úr vinnu vegna veikinda? 

 

 1. Hópur frá kl 10:00 -12:00 2.

 

  2, Hópur frá kl 14:00- 16:00

 

Á fundinn koma fjórir erlendir gestir sem allir hafa unnið að náttúrulækningum.

 

Aðalfyrirlesarar verða

1. .Allan Porter Master í matvælafræði, sérfræðingur í heilsu fæði (sjá nánar ferilskrá ásamt http://www.wellmune.com/ )

2. Hallgrímur Magnússon læknir

 

Ókeypis þátttaka meðan húsrúm leyfir en þeir sem tilkynna þáttöku í síma 5333 222 eiga forgang á sæti.