Gamla gatan

 

 

Ó, gamla gatan mín
ég glaður vitja þín
og horfnar stundir heilsa mér
Hér gekk ég gullin spor
mín góðu bernskuvor,
sem liðu burt í leik hjá þér.

Í sól og sumaryl
hve sælt að vera til,
við þekktum hvorki boð né bann
en kveiktum ástareld,
sem öll hin rauðu kveld
í ungum hjörtum okkar brann.

Dagarnir hurfu með draumsins þyt.
Dóu mín sumarblóm.
Nú geymi ég þeirra ljós og lit,
sem lifandi helgidóm.

það berast ómar inn,
ég opna gluggann minn,
og um mig leikur andi hlýr,
því æskan fram hjá fer,
til fundar hraðar sér
að yrkja lífs síns ævintýr.

 

Lag: Oddgeir Kristjánsson Texti: Ási í Bæ

Athugasemdir

[Kristín Henný Moritz, 27.2.2008 kl. 04:55]

Það koma upp alveg óteljandi minningar þegar ég heyri þetta lag.... pottþétt eitt af mínum uppáhalgs lögum! Falleg mynd, á vel við textann.

[Þorkell Sigurjónsson, 27.2.2008 kl. 07:29]

Vestmannaeyingar eru snillingar til orðs og æðis.  Kær kveðja

[Ásdís Sigurðardóttir, 27.2.2008 kl. 10:37]

Ég elska húsamyndir, verður þessi á sýningunni?? knús og kveðja.

[Steinunn Helga Sigurðardóttir, 27.2.2008 kl. 12:05]

yndislegt !!!

Bless í daginn kæra kona

steina

[www.zordis.com, 27.2.2008 kl. 15:53]

Flott mynd, ég er líka hrifin af húsamyndum og hef gert þær allnokkrar

Knús á þig kæra kona!

[Kristín Katla Árnadóttir, 27.2.2008 kl. 16:32]

°Oh hvað þetta er kærkomin mynd svo falleg

[Svava frá Strandbergi , 27.2.2008 kl. 16:57]

Takk öll sömun , nei þessi mynd verður ekki á sýningunni.

[Guðjón H Finnbogason, 1.3.2008 kl. 17:41]

Þeir tveir voru snillingar