Fæðing gyðjunnar, ort undir áhrifum af myndinni, Venus eftir Bottichelli.

 
Ég gleymi því aldrei þegar ég stóð fyrir framana þessa heimsfrægu mynd eftir Bottichelli. Ég var blátt áfram uppnumin. Löngu seinna reyndi ég að koma tilfinningunni sem ég varð fyrir á blað og úr varð lítið ljóð sem á fátæklegan máta túlkaði stemninguna sem ég las út úr þessu mikla listaverki, ljóðið, Fæðing gyðjunnar.

     Fæðing gyðjunnar

 

Í safírblárri nóttinni
hljómar söngur vindanna
rósbleik hörpuskel ristir
blíðlega flauelsmjúkt haf

marbárur rísa og hníga
í örum hjartslætti sjávarins

röðulglóð lýsir hauður og haf
er lofnargyðjan stígur fullsköpuð
úr skínandi djúpinu
getin af sævi, borin af perlumóður.

Nývöknuð veröldin nýtur í fyrsta sinni
- ástar gyðjunnar.

Athugasemdir

[Þorkell Sigurjónsson, 6.10.2007 kl. 08:56]

Þú Svava mín ert snillingur ekki síður en Bottichelli. Ég er ansans auli, þar sem mér hefur ekki einu sinni tekist að grafa upp hver Úlfur Ragnarsson er í raun. Það var einhver sem gaf mér  kveðskapinn sem ég birti eftir hann á blogginu mínu.  Gaman væri ef einhver gæti upplýst okkur um hann Úlf. 

[Jóna Á. Gísladóttir, 6.10.2007 kl. 09:50]

Af mínu litla ljóðaviti geti ég ekki betur séð en að það sé eins og myndin hafi verið gerð eftir ljóðinu. Fallegt Guðný Svava.

[Ásdís Sigurðardóttir, 6.10.2007 kl. 10:24]

Yndislegt takk fyrir, já og góðan daginn min kæra, njóttu hans.

[Þorkell Sigurjónsson, 6.10.2007 kl. 10:28]

Ekki lengur auli. Það er hún Kristín Snæhólm Baldursdóttir sem getur upplýst okkur og sagt okkur frá honum Úlfi Ragnarssyni. Gaman væri að hún yrði við þeirri ósk og segði frá þessum ágæta manni.

[Svava frá Strandbergi , 6.10.2007 kl. 10:37]

Takk öllsömul. Ég fer nú bara hjá mér Keli minn út af hrósinu þínu. Ég ætla að spyrja Katrínu um Úlf. Eigið góðan dag og góða helgi öll.

[Guðný Anna Arnþórsdóttir, 6.10.2007 kl. 18:53]

Yndislegt nafna, yndislegt.

[www.zordis.com, 6.10.2007 kl. 22:08]

Hreint unaðslegt!

Ooooog mikið er dóttir þín yndisleg, rétt eins og þú!

[Svava frá Strandbergi , 6.10.2007 kl. 22:08]

Þakka þér kærlega nafna.

[Svava frá Strandbergi , 6.10.2007 kl. 22:12]

Takk, Zordís mín.

[Kristín Katla Árnadóttir, 7.10.2007 kl. 17:53]

Já maður verður heillaður af myndinni og eins af ljóðinu. Takk fyrir þetta

[Svava frá Strandbergi , 7.10.2007 kl. 18:30]

Takk sömuleiðis Krisín mín.

[Katrín Snæhólm Baldursdóttir, 8.10.2007 kl. 13:53]

Úlfur Ragnarsson er geðlæknir og mikill andans maður sem stundaði nálastungur og fleira. Umdeildur öðlingur sem skrifaði oft á tíðum í velvakanda draumana sína og framtíðarsýnir..ritaði nokkur kver eða bækur og nokkur ljóð. Var einn af stofnendum eða talsmönnum Náttúrulagaflokksins . Einn af merkari mönnum sem ég hef hitt...held hann hafi lent í slysi fyrir nokkrum árum og lítið farið fyrir honum síðan og þar sem ég hef ekki verið á íslandi lengi veit ég ekki meir.

[Svava frá Strandbergi , 8.10.2007 kl. 20:29]

Þakka þér fyrir upplýsingarnar Katrín mín.

[Marta B Helgadóttir, 8.10.2007 kl. 20:48]

Leit við og naut lestursins að vanda. Yndislegt ljóð. Takk.

[Svava frá Strandbergi , 8.10.2007 kl. 21:23]

Takk Marta mín.