'Þar sem jökulinn ber við loft'

Þar sem jökulinn ber við loft hættir landið að vera jarðneskt, en jörðin fær hlutdeild í himninum, þar búa ekki framar neinar sorgir og þessvegna er gleðin ekki nauðsynleg''Þar ríkir fegurðin ein ofar hverri kröfu'

Þessi orð skáldsins Halldórs Laxness komu upp í huga mér í dag þegar ég var að velta fyrir mér öllum þessum neikvæðu og sorglegu fréttum sem dynja á okkur í fjölmiðlum og ég nota þessa vatnslitamynd mína til þess að tjá hið fyrirheitna land.

Hverstu langur tími ætli líði uns maðurinn þarf ekki lengur að búa við neinar sorgir og þess vegna verði gleðin honum  ekki nauðsynleg?
Ætli það verði nokkurn tíma meðan hann býr á þessari jörð? Ætli við þurfum ekki fyrst að ganga á fjallið (jökulinn) og finna þar Guð okkar áður en hin harðneskjulega jörð sem við höfum skapað okkur sjálf með verkum okkar getur líka fengið hlutdeild í himninum með fegurð og  friði meðal okkar jarðar barna.

Athugasemdir

[Hlynur Þór Magnússon, 10.2.2007 kl. 04:18]

Ég er hræddur um að við fáum ekki hlutdeild í himninum meðan við búum á þessari jörð ...

[Svava frá Strandbergi , 10.2.2007 kl. 04:26]

Þakka þér fyrir athugasemdina Hlynur. Já þetta er líklega rétt hjá þér. Stundum óskar maður þess ómögulega.
En mig langar að segja þér að ég er mjög hrifin af skrifum þínum.

[Sigurður Þór Guðjónsson, 10.2.2007 kl. 04:27]

Guðríki er innra með yður sagði nú einhver gaurinn. Á jöklinum er bara skítakuldi.

[Svava frá Strandbergi , 10.2.2007 kl. 04:30]

Alltaf í veðrinu, Nimbus! Við finnum ekkert fyrir kulda þegar við erum orðin heilög í andanum.

[Katrín Snæhólm Baldursdóttir, 10.2.2007 kl. 09:26]

Víst getum við átt hlutdeild í himnum á jörðinni. Það eru engar fjarlægðir. Það er bara blekking. En myndin er falleg Guðný. Mjög falleg.

[Svava frá Strandbergi , 10.2.2007 kl. 12:02]

Þakka þér fyrir að segja að myndin mín sé falleg Katrín. Met álit þitt nefnilega mikils.

[Svava frá Strandbergi , 10.2.2007 kl. 14:23]

Þakka þér fyrir þitt innlegg Guðmundur minn.

[Svava frá Strandbergi , 10.2.2007 kl. 18:42]

Þakka þér fyrir það Arna mín. En þetta er nú óþarfa svartsýni hjá þér að þú fáir ekki hlutdeild í nokkru öðru.

[Guðný Anna Arnþórsdóttir, 10.2.2007 kl. 22:48]

Takk, kæra Guðný Svava. Alltaf skal þér takast að skapa góða tilfinningu og góð hugrenningatengsl. Þetta er ein fallegasta setning á íslensku, að mínu mati, eins og margar úr smiðju Laxness og Þórbergs. Þetta er setning se mér kemur í huga þegar eitthvað bjátar á. Svona eins og sumir hugsa, ja, guðséossnæstur, látum oss biðja.... Það hefur aldrei gefi mér neitt, sorry. Mér finnst í raun og veru svo djúp hugsun í þessari setningu og svo djúp tengslin sem hún veldur, að fá orð ná þar um. Eiginlega segir Nimbus allt sem segja þarf: guðsríki er innra með yður og á jöklinum er bara skítakuldi!!!

[Guðný Anna Arnþórsdóttir, 10.2.2007 kl. 22:51]

PS: Það er að verða venjubundið stef hjá mér í þessu nýja umhverfi skoðanaskipta, að ég þarf að segja í post scriptum, - að ég meinti þetta og ég meinti hitt, semsé; í fyrri færslu vantaði stafi og svoleiðis...ææææ, hvað er gífurlega eilíflega erfitt að vera perfeksjónísti en skrifa hratt...og kannski hugsa bara takmarkað...nnnnn....?

[Guðný Anna Arnþórsdóttir, 10.2.2007 kl. 23:34]

Fyrirgefðu, gerði mér ekki grein fyrir alvarleika málsins. Enn og aftur, ætlaði mér ekkert annað en hlutdeild annarra í fegurð heimsins. Allrabestu kveðjur frá mér.

[Svava frá Strandbergi , 11.2.2007 kl. 06:23]

Þér er fyrirgefið.