Tvær sýningar í gangi í einu

Ásdís Sigurðar. bloggvinkona tók þessa fínu mynd af mér á opnuninni á samsýningunni okkar bloggvinkvennanna í Ráðhúsinu 30. ágúst sl.
By the way, ég er búin að selja bláu myndina 'Jökulheimar', sem er hægra megin við mig á myndinni og líka eina litla mynd,  sem heitir 'Sólheimajökull'

Næst á dagskrá eða 12. september opnar svo einkasýningin mín í Gerðubergi, svo það er í nógu að snúast hjá mér þessa dagana.
Á sýningunni í Gerðubergi verð ég með myndir sem ég teikna blindandi með svörtu tússi, og sumar blindandi og eftir minni.Svo verða líka nokkrar vatnslitamyndir til að fylla upp í.

Þakka ykkur öllum sem komuð á opnunina hjá okkur bloggvinkonunum í Ráðhúsinu. Það var bara rokna stuð í þessu hjá okkur!

 

Athugasemdir

[Svava frá Strandbergi , 4.9.2008 kl. 00:27]

Endilega, Ester.

[www.zordis.com, 4.9.2008 kl. 19:03]

Glæsilegt, til hamingju!

Ég var að horfa á spegilslétta tjörnina áðan og sá litla andarassa og fjúkandi fiður á yfirborðinu, svo mikið að ég fór að hnerra.

Ég mæti á sýninguna og sendi þér meil í kvöld!

[Svava frá Strandbergi , 4.9.2008 kl. 21:46]

Takk Zordís. Til hamingju líka með þína fínu sölu í Ráðhúsinu. Ég gat ekki seent Gerðubergi heimilisfangið þitt, til að senda þér boðskort. svo ég býð þér hér með. Læt þig vita seinna klukkan hvað sýningin opnar 12.september.

[Kristín Katla Árnadóttir, 5.9.2008 kl. 11:06]

Flott mynd af þér Guðný mín flott sýning hjá ykkur.

[Svava frá Strandbergi , 6.9.2008 kl. 14:50]

Takk Katla mín

[Svava frá Strandbergi , 6.9.2008 kl. 14:57]

Sýningin hjá okkur bloggvinkonunum í Ráðhúsinu, Anna,  stendur yfir til 14.september.

En einkasýningin mín í  Menningarmiðstöðinni  Gerðubergi stenur yfir í 8 vikur. Til 4. eða 8. nóvember minnir mig.
Ég býð auðvitað þér og öllum öðrum bloggvinum, eða þeim sem vilja líta við,á opnunina Ég auglýsi hana betur seinna.

Kær kveðja

Guðný Svava

[Steinunn Helga Sigurðardóttir, 6.9.2008 kl. 16:34]

til hamingju með þetta. þú ert svo fín á myndinni.

kærleikur til þín frá lejrekotinu.

steina

[Svava frá Strandbergi , 7.9.2008 kl. 03:08]

Takk, Steina. En til hamingju líka með sýninguna sem þú varst með eða ert kannski með ennþá?

Kærleikur til baka til þín og til Lejre kotsins.
Ég las það einhvers staðar, að í fornöld hefðu konungar búið í Lejre. Man ekki hvar ég las það. En mig langar að fræðast meira um þetta.

[Agný, 7.9.2008 kl. 06:51]

Fittaði..ég var norðan heiða á heimaslóðum þennan dag...arg...

[Svava frá Strandbergi , 7.9.2008 kl. 11:42]

Agný, sýningin er ennþá opin.

[Guðný Anna Arnþórsdóttir, 7.9.2008 kl. 15:04]

Ég held að Ásdísi hafi tekizt að mynda áruna þína líka...amk hluta af henni!!

Er búin að senda marga á sýninguna ykkar í Ráðhúsinu og fólk er hrifið.

Hlakka til að sjá þig í Gerðubergi!

[Sigurður Þórðarson, 7.9.2008 kl. 17:44]

Þetta var frábær hugmynd hjá ykkur bloggvinkonum að halda þessa sérlega skemmtilegu sýningu hjá ykkur. Ásdís Sigurðar á líka heiður skilið fyrir þessa flottu mynd af þessum glæsilega myndlistamanni.  Það veitir ekki af að lífga upp á ráðhúsið þessa dagana.  Bestu óskir!

[Svava frá Strandbergi , 8.9.2008 kl. 14:48]

Sérðu eitthvað út úr árunni minni, eða þessa hluta af henni sem sést, nafna?
Hlakka líka til að sjá þig í Gerðubergi.

Bestu óskir til þín líka Sigurður Þ.

[Ása Hildur Guðjónsdóttir, 8.9.2008 kl. 16:04]

Hér með ertu Klukkuð

[Svava frá Strandbergi , 8.9.2008 kl. 23:04]

Takk fyrir það Ása Hildur. En hvernig fer ég að?