Þá er það ákveðið, einkasýning í febrúar.

Jæja þá! Nú er búið að samþykkja sýningu hjá mér í ArtIceland Skólavörðustíg 1a, einhvern tímann  í febrúar á næsta ári og það sem meira er eigandi gallerisins segist bjartsýn á að ég selji þessar myndir sem ég hef sýnt henni.

Nú er að hrökkva eða stökkva, ég verð að mála og mála eins og brjálaður listamaður fram að sýningunni, annað dugir ekki. Mig vantar bara svo prentliti. Ég fór uppí Hvítlist til þess að kaupa liti en af því ég hafði hent gömlu dósunum gátu þeir ekki fundið litina. Ég veit ekkert hvað ég á að gera, en kannski að sonur minn sem vinnur við silkiprentun geti hjálpað mér, ef ég bið hann vel.

Ég ætla að sýna bæði þrykk-og blek myndir og vatnslitamyndir á sýningunni. Álfheiður eigandinn sagð, að þó að það þætti vera betri heildarsvipur á sýningum sem uppistæðu af myndum með sömu tækni, væru þessar tvær tækni aðferðir svo keimlíkar hjá mér, að þetta ætti að koma vel út.

Hún var hrifin af öllum myndunum sem ég sýndi henni sem betur fer. Svo nú ég verð að láta hendur standa fram úr ermum. Og þið kæru bloggvinir verðið náttúrulega velkomnir á opnunina, allir með tölu, þegar þar að kemur, ef þið viljið gera mér þann heiður? 

 

Athugasemdir

[Katrín Snæhólm Baldursdóttir, 13.10.2007 kl. 11:04]

Já hvort ég vil koma Elsku SVAVA mín..flott hjá þér. Hlakka mikið til að sjá sýninguna þína..og líka hina í Ágúst!!!!

[Svava frá Strandbergi , 13.10.2007 kl. 11:08]

Takk Katrín min, vertu velkomin.

[Þorkell Sigurjónsson, 13.10.2007 kl. 11:56]

Þrátt fyrir að vera ekki bloggvinur Svava, reikna ég með að mér sé boðið, þó ekki væri fyrir annað en skyldleikann. Vonandi gengur þetta vel hjá þér Svava mín,  Kveðja.

[Kristín Katla Árnadóttir, 13.10.2007 kl. 11:59]

Til hamingju með sýninguna  Guðný mín.

[Svava frá Strandbergi , 13.10.2007 kl. 13:21]

Jú Keli minn þér er auðvitað boðið líka, þó það nú væri.

Takk Kristín mín og Arna. 

[Marta B Helgadóttir, 13.10.2007 kl. 13:48]

Mig langar mikið til að koma á sýninguna þína.

[Svava frá Strandbergi , 13.10.2007 kl. 14:27]

Vertu velkomin Marta mín.

[Ása Hildur (IP-tala skráð) 13.10.2007 kl. 14:51]

Til hamingju Guðný Svava. Og til hamingju með reykbindindið.

Kv. frá s. afríku

Ása Hildur

[www.zordis.com, 13.10.2007 kl. 16:40]

Til lukku .... frábaert hjá zér!  Hef heyrt að Álfheiður taki nú ekki hvern sem er inn hjá sér!  Glæsilegt og ef ég verð á klakanum þá er sko ekki spurning að ég kem.

Góða helgi!

[Svava frá Strandbergi , 13.10.2007 kl. 17:46]

Vona að þú komir Zorsís mín og góða helgi.

[Ásdís Sigurðardóttir, 13.10.2007 kl. 19:48]

En spennandi. ÉG mæti sko örugglega. Er nú ekki hissa á því að hún hafi verið hrifin af myndunum þínum.  Gangi þér vel að mála.

[Svava frá Strandbergi , 14.10.2007 kl. 02:47]

Takk Ásdís mín. Ég sendi ekkert boðskort til ykkar bloggvinir. þið eruð sjálfboðin og komið bara á opnunina.

[Svava frá Strandbergi , 14.10.2007 kl. 22:05]

Takk Ása Hildur mín.Skemmtu þér vel í Afríku og passaðu þig á ljónunum og moskitóflugunum.

[Jóna Á. Gísladóttir, 14.10.2007 kl. 22:34]

Vá frábært. Innilega til hamingju með þetta Guðný  

[Svava frá Strandbergi , 14.10.2007 kl. 23:34]

Takk Jóna mín. Það liggur við að ég krossleggi fingurna til þess að þetta gangi nú allt upp hjá mér. En það hlýtur að gera það með öllum þessum góðu óskum.