Óttalegt rokrassgat er þetta alltaf úti !

Svo er sífelld rigning í þokkabót. Mann langar mest til þess að kúra undir sæng með hommunum sínum og fara ekki út úr húsi.
Það endar illa sumarið, eins og september getur oft verið ljúfur mánuður.
Svo er bráðum kominn október og þá er pottþétt komið haust og sumarið alfarið til andskotans.
Þessi rigning og rok er svo spælandi eftir góðviðrið í sumar. Svo eru blómin í garðinum öll vindblásin og niðurrignd og ég sem hef svo gaman af að dunda mér í garðinum. Ætlaði meira að segja að setja niður meira af limgerðisplöntum, en moldin er alltaf svo mígandi blaut að mér hryllir við að fara að drullumalla í henni. Maður getur bara ekkert verið úti við og það er hundfúlt.
Það eru svo miklar öfgar í veðrinu orðið, að ég spái því í fúllyndi mínu, að veturinn verði óvenju harður með grimmdarfrosti allt upp í 20 stig og öskrandi snjóbyljum sem færa allt á bólakaf og hananú!

Athugasemdir

[Sigfús Sigurþórsson., 10.9.2007 kl. 23:48]

Sól og sumar (kalt) föstudag, laugardag og sunnudag.

Kveðja:

[Svava frá Strandbergi , 11.9.2007 kl. 00:18]

Kveðja til baka.

[Sigurður Þór Guðjónsson, 11.9.2007 kl. 03:56]

Það verður ekkert sumar og sól, 5 stiga hiti að deginum! Þá væri betra að hafa rigningu og 10 stig. Ég spái hafísavetri og heimsenda!

[Svava frá Strandbergi , 11.9.2007 kl. 12:14]

Sammála Nimbus.