Er þetta ekki vaninn

að rómantíkin hverfi eins og dögg fyrir sólu, eftir að ástfangið fólk kemur niður af rósrauða skýinu sem einkennir öll sambönd í byrjun? þá á víst að taka við af ofurhrifningunni, tilfinningin að elska og virða maka sinn í blíðu og stríðu.
Því miður eru þeir fáir sem bera gæfu til þess að rækta gott hjónaband. Ég tala nú ekki um ef við bætist álag og stress, sem fylgir því að lifa lífi sínu frammi fyrir augum alheimsins.
Það er ekki það sama gæfa og gjörfileiki, það sýna því miður óteljandi skilnaðir og  margskonar áföll í lífi fallega og fræga fólksins í Hollywood.
Kannski Brad og Jennifer nái saman á ný, það er aldrei að vita.

Brestir í sambandi Brads og Angelinu

Athugasemdir

[Kristín Katla Árnadóttir, 2.8.2007 kl. 14:09]

Þetta er góð pæling hjá þér sambandi við hjónabandið.

[Ásdís Sigurðardóttir, 2.8.2007 kl. 14:32]

Það eru nú ekki nema 3 vikur síðan ég spáði því að þetta væri búið hjá þeim, nösk kellingin !! held bara að hann ætti að taka dótturina með sér til Jennifer. Angelina er létt geggjuð.

[Svava frá Strandbergi , 2.8.2007 kl. 14:50]

Takk fyrir það Kristín Katla.

Já Ásdís, líklega verður hörð forræðisdeila, því miður um Shilou litlu ef þau skilja. Það hefur verið haft eftir Brad að Angelia finnist hún ekki hafa náð eins góðum tengslum við litlu dóttur sína og við ættleiddu börnin þeirra Brads. Samt þarf hún ekki að vera neitt slæm móðir fyrir þvi, þó er vitað að Brad er mjög hrifinn af sóttur sinni og er góður faðir. Ég óska bara að farið verði eftir því sem er barninu og foreldrunum þess fyrir bestu ef hjónaband þeirra tekur enda. Þó vona ég þeirra vegna að þau geti lagað samband sitt.  

[Jóna Á. Gísladóttir, 3.8.2007 kl. 01:28]

Alltaf erfitt að slíta sambandi og hvað þá fyrir augum alls heimsins.

[Halldór Sigurðsson, 3.8.2007 kl. 13:01]

Helgin bara ónýt --- brad og angelina bara í steik

[Sigurður Þór Guðjónsson, 3.8.2007 kl. 13:30]

Hverjum er ekki sama hvort þetta fólk nær aftur saman eða ekki? Miljónir manna standa í þeirra sporum, flestu miklu verr statt félagslega og fjárhagslega þó þaða sé ekki í sviðsljósinu. Annars held ég að margar miljónir um víða veröld viti ekkert hvaða fólk þetta er.

[Svava frá Strandbergi , 3.8.2007 kl. 16:00]

Já, það er satt Nimbus auðvitað á maður ekki að vorkenna þessu fólki neitt frekar en fjölda annarra sem standa í þeirra sporum. Gallinn er bara sá að ég finn til með öllum sem ganga í gegnum skilnaði, sérstaklega ef börn verða togreipi milli foreldra sinna. Ég er samt ekkert að drepast úr vanlíðan út af þessum málum, enda er þetta orðið svo algengt nú til dags.