Hefjum kettina til þeirrar virðingar sem þeir eiga skilið.

Á íslenski kötturinn ekki þá virðingu skilið að hann sé ræktaður eins og íslenski hundurinn sem næstum dó út?  Í BNA er til kyn sem kallast American Shorthair og í Bretlandi er ræktaður British Shorthair.

Með hinum mikla fjölda erlenda kattategunda sem fluttar hafa verið til landsins hefur átt sér stað allnokkur blöndun við íslenska húsköttinn og hætta er á að þetta gamla íslenska landnáms kattakyn deyji út

Með markvissri ræktun á íslenska kettinum mætti ef til vill koma í veg fyrir að að köttum sé hent út á guð og gaddinn í bókstaflegri merkingu. Og þá jafnt fullorðnum köttum (jafnvel til í dæminu inniköttum sem ósjálfbjarga kettlingum.)                 
Þarf ekki annað til slíkra grimmdarverka en að eigandinn telji sig ekki hafa efni á að gefa dýrinu að éta. Hvað þá að skutla honum upp í Kattholt að maður minnist nú ekki á kostnaðinn við að láta deyða dýrið.

Með ræktun á íslenska kettinum myndi orðstír hans aukast verulega og jafnvel gæti hann jafnvel orðið jafn eftirsóttur og verðmætur og íslenski hundurinn. Sjá hér að neðan. Fólk virðist meta það sem kostar einhverja peninga meira en það sem fæst frítt, því miður. En það gæti  komið kettinum vel og minnkað verulega líkur á því að kettir lentu á vergangi eða væru deyddir með ómannúðlegum hætti.

'Íslenski hundurinn er jafngamall búsetu á landinu. Litlu munaði að hann dæi út og voru einungis nokkrir hundar eftir þegar hafist var handa um markvissa ræktun hans árið 1967.
Íslenski hundurinn naut hylli hefðarfólks í Evrópu og var þó nokkuð fluttur út, sérstaklega á miðöldum.

Íslenski kötturinn hefur fylgt manninum allt frá landnámi.
Íslenska kattarkynið hefur haldist nokkuð vel í gegnum tíðina en nú í dag er orðið svo mikið um innflutning á köttum að einhver blöndun hefur átt sér stað.
Í gamla daga var kötturinn mikið nytjadýr á Íslandi. Hlutverk hans var að halda rottum og músum frá híbýlum manna.'

Tilvonandi nýi kettlingurinn minn hann Dáður. Eða kannski Títus eftir honum Tító mínum?

Dáður eða Títus

Nei annars, Bjarmi á hann að heita.

Bangsímon Bjarmi Tópasson.

 

 

 

 

 

 

 

 

 

Það er ...

Það er rokrassagat í minni sál.
Rjúkandi óveðursins bál.
Organdi vindhviðurnar æðandi,
öskrandi, í hjarta mér blæðandi.

Í minningu dýrs Elsku Tító minn dó í gær. Hann var svæfður hér heima.

Hérna megin við himnaríki er staður sem heitir regnbogabrúin. Þetta er fagur staður með græn grös á túni, fjöll og dali.
Þegar besti vinur okkar deyr, eitthvert dýr sem var okkur mjög náið, fer það að Regnbogabrúnni. Þar er alltaf ...nóg af mat, vatni og sólskini, vinir okkar hlaupa um, leika sér og hafa það mjög gott.
Öll dýrin sem voru að veik eða gömul, eru aftur orðin ung og hraust, eins og í minningu okkar, frá okkar bestu stundum.

Þarna eru allir hamingjusamir og ánægðir með lífið. Eitthvað skyggir þó á.
Hvert og eitt þeirra saknar besta vinar síns, sem þótti vænt um þau og gætti þeirra þegar þau voru á jörðinni, en varð að vera eftir um sinn.

Hvern dag leika vinir okkar sér og hlaupa um, þar til dagurinn rennur upp. Snögglega hættir eitt þeirra að leika sér og lítur upp!
Hnusar út í loftið!
Sperrir eyrun!
Augun athugul!
Líkaminn titrar af spenningi!
Hann hleypur hratt frá hópnum!
Þýtur yfir grænan völlinn, hleypur hraðar og hraðar!
Það hefur verið beðið eftir þér!
Loksins þegar þú og besti vinur þinn hittist aftur tekur þú hann í fang þér, knúsar hann innilega og þið gleðjist yfir endurfundinum.

Aldrei aftur aðskilin.

 

Gleðikossum rignir á andlit þitt, þú strýkur ástkært höfuð hans, þú lítur aftur í traustvekjandi augu vinar þíns, svo löngu farin þér frá, en aldrei úr hjarta þínu.
Að lokum farið þið yfir regnbogabrúna....saman að eilífu.

 

                                                                          Höf: ókunnur
                                                                     Tekið af www.hvuttar.net

 

Huggun

Þú kemur til mín
ósköp hægt og hljótt
er húmið dökka
sest um sefa minn.
Í hjarta mér
þá helköld ríkir nótt
en heit mín tár
sem falla á fölva kinn.
Þá lýsa mér
þín augu blíð og blá.
Svo björt og hrein
þar skín mér ástin þín.
Sem glæðir aftur
gleymda von og þrá.
Þú göfga litla
hjartans kisan mín.

Sjá  Demo af  lagi Halldórs Guðjónssonar við ljóð mitt um  Huggun, um Tító hér til hliðar.

 

 

 

 

Bara orð!

'Í upphafi var orðið og orðið var hjá Guði og orðið var Guð'. Samkvæmt því er Guð, orð.

'Orð eru til einskis nýt'. Samkvæmt því er Guð einskis nýtur.

Samsýning Ágústshópsins í Ráðhúsinu 28. ágúst til 12 sept.

Minni á samsýningu okkar í Ágústhópnum, Elínu Bjarkar Guðbrandsóttur, mín, Guðnýjar Svövu Strandberg, Katrínar Níelsdóttur og Zordísar. Einnig verður tískusýning föstudagin 3. sept kl. 18 þar sem Icelandic Models sýna föt eftir hinn fræga mexíkóska hönnuð Paola Hernandez og mun mynslistarsýning okkar fjögurra mynda umgjörð tískusýningarinnar. Allir velkomnir.

Sýnishorn af verkum mínum á listsýningunni.

Ágústnótt

Þú undurhlýja ágústnótt
ég ennþá um það dreymi
er inn í tjald þú komst um kvöld
og kysstir mig í leyni.

Þó liðin séu ár og öld,
heil eilífð um það bil.
Þeim kossi og hvarmaljósum tveim
gleymt kann ég ei né vil.

Því leiðir skildu á lífsins braut.
Þín lá um hafsins strauma.
En ég sat heima og bað og beið
í bríma fornra drauma.

Sólarlag við sæinn. Vatnslitir

Myndin

Ég hið ytra af yndisþokka er full
og eldist ei.
En í hjarta mér er margt sullumbull
og myndin af Dorian Grey.

Betrumbætti, 'Í skóginum stóð kofi einn'