Löggan lokaði á mig dyrunum

Ein mynd til úr myndaröðinni 'Uppstilling í landslagi '

Ég ætlaði einmitt að koma við í Leifasjoppu á leiðinni til vinkonu minnar hérna í næsta húsi. Ég opnaði dyrnar en var rekin öfug út af vörpulegum lögreglumanni. Hann sagði ábúðarfullur að þeir væru að rannsaka mál. Ég spurði hvort það tæki langan tíma og hvort ég gæti ekki bara beðið á meðan, en ekki vildi hann samþykkja það. 

Þetta er annað ránið hjá honum Leifa á innan við tveim árum. Ég labbaði svo til vinkonu minnar og þar fylgdust við með þegar lögreglubíll og svo lögregla á mótorhjóli komu að sjoppunni.

Þetta rán var framið um hábjartan dag svo ég sé að það skiptir ekki máli hvenær maður er á ferðinni, en ég er alltaf hálf smeyk við að labba hérna göngustígana út í sjoppu á kvöldin.

En á sumrin þegar ég geng niður í Elliðaárdal er ég aldrei hrædd þar eru sem betur fer bara göngufólk og hundar að viðra sig í góða veðrinu. 

Við vinkonan skruppum saman í Bónus og ég var svo rausnarleg að kaupa heilsteiktan kjúkling í páskamatinn handa Tító og Gosa. Tító má aðeins borða matinn sem hann fær sérstaklega fyrir nýrnaveika ketti og svo kjúklinga  og hann elskar kjúklingakjöt. Það þýddi ekkert fyrir mig að geyma kjúklinginn fram að páskum, því nefin á Tító og Gosa eru  óbrigðul þegar kjúklingur er einhvers staðar nærri. Svo þeir eru búnir að fá fjórum sinnum kjúkling á diskinn sinn í dag. 

Tító heldur áfram að horast, þegar ég strýk honum bakið, finn ég fyrir hryggjarliðunum og mjaðmagrindinni. Dýralæknirinn sagði líka síðast að þó að hann hefði komið vel út úr síðustu rannsókn gæti hann samt hrunið innan eins mánaðar.

Ég keypti líka litlar páskaliljur í potti í Bónus og er búin að stilla þeim upp í stofunni ásamt fleira páskaskrauti. Og laukarnir sem ég setti niður úti á sólsvölunum eru að lifna. Fyrstu blöðin á einni dalíunni eru að gægjast upp úr moldinni. Meira að segja úti í garði sá ég í gær að túlípanarnir og krókusarnir eru að stinga upp kollinum. Þess vegna er vorhugur í mér og ég hlakka til þegar blómin springa út og ég get farið að dunda mér bæði á svölunum og í garðinum.

það er sama hvar ég stel afleggjara, hvort sem það er af inniblómum eða fjölærum blómum sem ég fæ leyfi til að taka af hjá vinum og vinkonum, allt lifnar og dafnar og mér finnst það yndislegt.

Mamma var svona eins og ég og hún átti sérlega fallegan garð og Sjonni sálugi frændi i Eyjum, pabbi hans Hectors, eða Kela, bloggvinar míns elskaði líka allan gróður og garðurinn hann var eitt sinn valinn fegursti garðurinn í Eyjum.

En því miður er Kalli frændi, sonarsonur Sjonna sáluga frænda, búinn að rústa verðlaunagarðinum og byggja stóran pall, en Kalli frændi keypti húsið hans afa síns. En svona er allt hverfult, en samt vona ég að þegar ég er farin að þá verði garðurinn hér við blokkina sem ég hannaði ein, mitt minnismerki. 

Annað rán í Breiðholti

Athugasemdir

[Svava frá Strandbergi , 21.3.2008 kl. 01:14]

Ætli ég fari ekki bara á öðrum tíma en þú. Ég dvel ekki þar allan daginn og ekki heldur á hverjum degi.

[Marta B Helgadóttir, 21.3.2008 kl. 11:27]

Gleðilega páska.

[Ásdís Sigurðardóttir, 21.3.2008 kl. 12:43]

Ofboðslega er magnað jafnvægi í þessari mynd og góður þrípunkturinn, finnst þessi æði.  Páskakveðja    

[Svava frá Strandbergi , 21.3.2008 kl. 13:28]

Gleðilega páska Marta mín.

Takk Ásdís mín og gleðilega páska

[Ása Hildur Guðjónsdóttir, 21.3.2008 kl. 14:08]

 Gleðilega páska

[Þorkell Sigurjónsson, 21.3.2008 kl. 21:20]

Sæl og blessuð Svava mín. Smá leiðrétting. Kalli er dóttursonur hans Sjonna og  ég veit þú vissir það.  Dóttir mín er hér í heimsókn hjá okkur og er með 3 ára dóttir sína með sér, en þær búa í Svíþjóð. Ég segi þér það strax Svava, að þegar hún kemur til Rvk. á leið sinni  heim til Svíþjóðar, þá ætlar hún að koma til þín í heimsókn ef hún má. Hvað segir þú Svava mín um það ? Það fór ekki milli mála, þegar ég las pistilinn þinn "löggan lokaði á mig dyrunum"í morgunn yfir morgunkaffinu og reyndar fleir pistla eftir þig,  þá varð dóttir minni að orði, að þessari frænku sinni yrði hún að kynnast betur og ekki dró ég úr því áliti hennar. En nú segi ég að nóg sé komið í þetta sinn. Kær kveðja til þín Svava.

[Svava frá Strandbergi , 21.3.2008 kl. 23:16]

Gleðilega páska Ása Hildur mín.

Sæl, móðir í hjáverkum, ég komst því miður ekki á sýnnguna hennar Zordísar  eins og ég var nú búin að hlakka til.
Kær kveðja.

Sæll Keli minn, auðvitað veit ég að Kalli er dóttursonur Sjonna frænda sáluga,  það bara datt svona út úr minni mínu smástund. Já, hún Sigríður Þóranna dóttir þín er velkomin í heimsókn, þó það nú væri. Það er best samt að hún hringi daginn áður svo ég verði örugglega heima. Síminn er 5579721 og gemsinn 6619721

[Svava frá Strandbergi , 22.3.2008 kl. 00:39]

Ég er hrædd um að mig vanti bílinn til þess að ræna stinga þér inn í þegar e´g er búin að yfirbuga þig og ræna þér Guðmundur minn. Svo þú verður bara að ræna mér í staðinn.

Ég er líka búin að sakna þín af blogginu. Ég var farin að halda að þú værir farin alveg úr þessum heimi, svei mér þá! Ég er ánægð yfir að hafa, haft rangt fyrir mér. 

[Svava frá Strandbergi , 22.3.2008 kl. 12:19]

Ég er búin að ráða mér kínverja eins og Bleiki Pardusinn hafði í vinnu hjá sér til að æfa sig í að vera vel á verði. Svo ég verð orðin þaulvön í að vera á varðbergi þegar að mannráninu mikla kemur. Hahahahahahahaha!

[Svava frá Strandbergi , 22.3.2008 kl. 12:21]

Akkuru endilega austur fyrir fjöll!!

[Linda Samsonar Gísladóttir, 22.3.2008 kl. 21:45]

Sæl Guðný.

Mikið þykir mér leitt að heyra um hann Tító þinn.

Ég á tvo ketti sjálf og hef nær alltaf verið með ketti í mínu lífi.

Það er fátt verra en þegar dýrin manns eru veik, að ég tala ekki u, alvarlega veik.  Ég verð aldrei svo hörð af mér að það komi ekki tárunum út á mér.

Ég vil óska þér, Tító og Gosa, Gleðilegra Páska og megi Tító eiga góðan tíma eftir hjá þér.

[Svava frá Strandbergi , 23.3.2008 kl. 00:34]

Kæra Linda, vænt þykir mér um páslakveðjuna frá þér og ósk þína um að Tító muni eiga góðan tíma eftir hjá mér.

Ég elska hann eins og barnið mitt, kannski svona mikið af því hann hefur verið nýrnaveikur allt sitt líf og ég hef oft beðið til Guðs með Tító veikan í fanginu.  Og með umhyggjunni kemur ástin. 

Gleðilega páska ti þín og kisanna þinna.