Heimþrá (Brot)

 

Þegar hrossin höfðu velt sér og kroppað um stund, tók Stjarna sig ein út úr og brokkaði niður að ánni. Hún stóð ekki mikið fyrir, þótt straumhörð væri, köld og hrokasund landanna milli. Brattabrekka tafði hana lítið , og hefur þó margur sporþungur klár tafist við hana. svitnað og runnið.  Heimþráin bar hana fljótt yfir, strokið beggja skauta byr.
Hún stefndi mun sunnar en leiðin liggur í áttina til hrossafjöldans heima og gleðinnar í afréttarfrelsinu , - og fallega folaldið horfna - . Hátt hnegg kvað við, aðeins eitt - og hún rásaði þegjandi vestur eftir,  yfir grjót og ása, mýrarflóa og fen.

 Þorgils gjallandi

Athugasemdir

[Kristín Katla Árnadóttir, 16.1.2008 kl. 18:21]

Gerði þú þessa mynd Guðný ???

[Svava frá Strandbergi , 16.1.2008 kl. 19:17]

Já, Katla ég gerði þessa mynd.

[Ásdís Sigurðardóttir, 16.1.2008 kl. 23:36]

Váá, æðislegt.        

[www.zordis.com, 16.1.2008 kl. 23:36]

Fallegar teikningarnar þínar.  Stjarna er mjög falleg og einstaklega vel gerð!  Glæsileg!!!

[Svava frá Strandbergi , 17.1.2008 kl. 01:47]

Takk.

[Guðný Anna Arnþórsdóttir, 17.1.2008 kl. 20:40]

Með eindæmum falleg mynd og hún ásamt færslunni mynda svo sérdeilis fallegt íslenskt andrúmsloft.

[Svava frá Strandbergi , 21.1.2008 kl. 13:34]

Nei, Hallgerður síðasta sýning var líka prent og blek eða olía. En þú sérð fram ii tímann því ég ætla að halda sýningu á vatnslitamyndunum mínum. Reyndar sagði Álfheiður eigandi galleríisins sem ég sýni hjá í mars og ég gæti alveg haft vatnslitamyndir með þrykkinu, þetta væri svo skylt hjá mér. En ég veit ekki hvort af því verður.