Það var mikið!! Ráðfrúr og sendifrúr í stað ráðherra og sendiherra.

Þetta er einmitt það mál sem ég hef tíðum tæpt á hér á blogginu, með nákvæmlega sömu rökum og Steinunn Valdís.
Konur geta ekki verið herrar eins og Steinunn Valdís bendir svo réttilega á í fréttinni og það hef ég einnig margsagt.
Það var ekki svo lítið rifist um það þegar ég skrifaði smápistil á bloggið  hér um árið,  varðandi það, að fáránlegt væri að í frétt nokkurri hefði verið sagt frá því að 'kven utanríkisráðherrar' funduðu einhvers staðar í fjáranum. 'Kven utanríkisráðherrar.'  Þær eða þeir hljóta þá að hafa verið tvíkynja, þar sem þær eða þeir voru bæði herrar sem er eingöngu notað um karlmenn og samt voru þessar tvíkynja verur líka kvenkenndar. Sem sagt þetta voru einhvers konar karlakonur.
Ég sagði þá og segi það enn og stend við það, að halda mætti að kven utanríkisráðherrar væru ráðherrar í einhverju ríki sem væri algjörlega og eingöngu byggt af karlmönnum,
þ.e. kvenutan ríkisráðherrar. Konurnar væru að sjálfsögðu löngu flúnar úr ríkinu undan ofríki karlanna og þess vegna væri ríkið kallað kvenutan ríki.
Svo gaukaði Rabbus nokkur,  einnig að merkilegri speki í kommenti hjá mér,  sem mér finnst ansi umhugsunarverð. Sem sagt, að orðið 'kvenutan' gæti allt eins verið mjög neikvætt orð. 'Voðalega ertu eitthvað kvenutan við þig maður.'
Svona verður nú vitleysan allsráðandi, þegar konur eru karlkenndar á þennan frámunalega hallærislega máta.
Hvaða karlmaður skyldi svo sem vilja láta titla sig karl ráðfrú?  En þannig væri dæmið í dag ef að konur hefðu ætíð verið ráðandi kynið og skipað æðstu embætti þjóðarinnar frá aldaöðli.
Hugsið út í það karlar mínir og nú viljum við fá nýtt orði yfir fólk sem hefur verið kallað ráðherrar hingað til.

Ég sting uppá orðunum þingráðsmaður og þingráðsfrú, eða bara ráðunautur sem gæti gilt fyrir bæði kynin og hananú! 

Vill nýtt starfsheiti fyrir ráðherra

Athugasemdir

[Þórarinn Þ Gíslason (IP-tala skráð) 21.11.2007 kl. 07:12]

                          RÁÐSTJÓRNARFRÚ! 

  ÓTRÚLEGA  MARGIR  ÚTFÆRSLUTITTLAR  Á  ÞESSARI NAFNGIFT. 

[Svava frá Strandbergi , 21.11.2007 kl. 11:34]

Já há, en Ráðstjóri og Ráðstýra?

[Svava frá Strandbergi , 21.11.2007 kl. 11:35]

Nei mér finnst 'Ráðunautur' besta orðið.

[Marta B Helgadóttir, 21.11.2007 kl. 16:19]

Alþingismaður er fínt orð sbr orðið starfsmaður á öðrum vinnustöðum. Konur eru líka menn kvenmenn ekki satt. 

Sendiherra er verra orð og algjörlega karllægt. Sting uppá orðinu sendimaður til samræmis við alþingismaður starfsmaður ....

Ráherra er sömuleiðis algjörlega karllægt. Þyrfti t d að vera ráðmaður
þeir ráða jú einhverju ekki satt eða ráðsmaður ...hmmm það er nokkuð gott því ráðsmaður er ekki eigandi þar sem hann starfar hann er ráðinn til starfans ... í þessu tilviki af þjóðinni í frjálsum kosningum.

Stundum er eins og það sé ekki vanþörf á að minna menn á hvernig þeir eru í ríkisstjórn komnir.

[Svava frá Strandbergi , 22.11.2007 kl. 00:42]

En ráðamaður, mér finnst það þjált og þá sömuleiðis ráðakona? Annars finnst mér einfaldast að halda orðinu ráðherra þar sem seinni hluti orðisin 'herra' leggur áherslu á, að það að vera ráðherra, er virðulegt embætti. Og titla konurnar sem ráðfrúr. Herra og frú hafa verið notuð í íslensku í aldaraðir um fólk þegar maður vill leggja áherslu á að þau séu virðingarverðar manneskjur. T.d. finnst mér Ingibjörg Sólrún ráðfrú hljóma bara vel. Ef kona væri 'sendiherra' ætti samkvæmt þessu að titla hana sendifrú.