Byggist þá ekki upp vaxandi hópur vampýra á Íslandi?

 Ef við förum að drekka grassafa sem er byggður upp eins og blóð?   Og ég sem var að blogga um sorglegustu frétt dagsins í gær, að mér fannst, um slátrunarbílinn með óheppnu rollunum sem valt  á vegakanti svo fjöldi fjár drapst á 'ómannúðlegan' hátt.
Algjörlega óþarfar pælingar, sé ég núna. Nú neyðumst við ekki lengur til þess að lifa á kjötmeti eins og við höfum gert síðan á dögum syndafallsins. Lausnin er komin fyrir þá sem ekki hafa haft, sálarþroska til þess ennþá, að sleppa blóðugu safaríku steikunum sínum.
Þetta er algjör Himnaríkissending, hreint og beint  tær snilld og örugglega upphugsuð af Himnahöfðingjanum sjálfum, okkur til sáluhjálpar.
Við snúum okkur því bara að grassafanum, hvers samsetning er svo útpæld að hún er byggð upp eins og blóðið sem við höfum hingað til innbyrt samviskulaust með því að éta meðbræður okkar, blessuð dýrin.
Það er bara verst að þá fyllist hér allt af grængolandi vampýrum. 

Grænn heilsubótardrykkur byggður upp eins og blóð

Athugasemdir

[Ásdís Sigurðardóttir, 26.10.2007 kl. 22:21]

ÉG hugsaði nú sem svo að þetta mundi ég aldrei setja inn fyrir mínar varir, held það hafi verið græni liturinn sem fældi mig frá.

[Svava frá Strandbergi , 27.10.2007 kl. 01:44]

Ekki get ég neitað því að grænn drykkur svona þykkur eins og mér sýndist hann vera er ekki beint girnilegur, en maður verður að láta sig hafa það. Allt fyrir dýrin.

Skál í botn, Guðmundur!

[Svava frá Strandbergi , 27.10.2007 kl. 15:16]

Dracula, here I come!!

[Ásdís Sigurðardóttir, 27.10.2007 kl. 16:33]

Flott nýja myndin, svolítið vampyruleg en ....  

[Sigurður Þór Guðjónsson, 27.10.2007 kl. 16:43]

Ég er blóðþyrstur.

[halkatla, 27.10.2007 kl. 16:46]

vampírur eru svalar og ég væri til í að prófa svona blóðdrykk ef hann er ekki vondur á bragðið.

Það var svo sorglegt að heyra um kindurnar sem dóu í slysinu!

[Svava frá Strandbergi , 27.10.2007 kl. 16:54]

Ásdís, ég endurnýjaðist og er orðin ung á ný eftir að ég gerðist vampýra.

Veskú Nimbus, gakktu í flokk okkar vampýranna.

Þetta var hrikalega sorglegt Anna Karen. Ef þetta hefðu verið hundar eða kettir hefði allt orðið vitlaust. Svona eru hundar fluttur í bílum til slátrunar í Kóreu. Það varð  nú ekki lítið brjálað 'veður' hérna á blogginu á þegar myndir af hundunum múlbundnum í slátrunarbílunum, birtust á vefsíðnum. Í Kóreu hefðu þeir bara gert grín að svona hundabílsslysi eins og margir gerðu grín að kindunum hér á blogginu.

[halkatla, 29.10.2007 kl. 00:28]

ég skil ekki hvernig það er hægt að gera grín að svonalöguðu - mig langaði mest bara að fara að gráta þegar ég heyrði um þetta  

annars vildi Kassandra nú bara þakka Gosa og Tító fyrir kveðjurnar, hún sendir þeim virðulegustu kveðjur, og ég líka  vona að þið hafið það öll gott