Aurapúkarnir

Í landi einu lengst norður í höfum þar sem norðurljósin loga á himni á vetrum en miðnætursólin á sumrum á Skari aurapúki heima. Hann býr ásamt foreldrum sínum í holu bak við stóran stein í hamraveggjum Peningagjár á Þingvöllum.
Aurapúkar eru agnarsmáir eða álíka á stærð og lítill fugl. Þeir eru með afar stór uppmjó eyru og smáhala með svolitlum hárbrúski á bláendanum.
Þeir eru líka með einstaklega stóra fætur,  fæturnir eru svona stórvaxnir af því þeir nota þá til þess að spyrna sér áfram í vatninu í gjánni alveg niður á botn. Niðri á botninum liggja silfurglitrandi peningar í stórum hrúgum sem mannfólkið hendir  í vatnið þegar það óskar sér, en aurapúkarnir nærast á þessum lukkupeningum. Í þakklætisskyni fyrir matargjafirnar sjá þeir um að uppfylla óskir mannanna.

Aurapúkarnir róa út á vatnið í gjánni í bátunum sínum að næturlagi þegar máninn skín. Þar stinga þeir sér á bólakaf  og synda niður á botninn á  einni örskotsstundu. þeir krafsa upp peningana með fingrunum sem eru svo haganlega útbúnir til þessarrar iðju að þeir verða segulmagnaðir þegar þeir blotna. þess vegna geta þeir fyllt bátana á augabragði og þeir róa ekki að landi fyrr en bátarnir eru orðnir drekkhlaðnir.

Athugasemdir

[Svava frá Strandbergi , 8.5.2007 kl. 08:23]

Nei þeir eru mannfælnir mjög. En þetta er hann Skari sem er á myndinni. Langamma hans stóð nú á því  fastar en fótunum að hann ætti að heita Framúrskarandi því hann væri svo framúrskarandi líkur langafa sínum sáluga. En mamma Skara kom á þeirri málamiðlun að stytta nafnið í Skara og langamman varð að sætta sig við það.

[Púkinn, 8.5.2007 kl. 10:08]

Æ, vertu nú væn og reyndu að takmarka þig við viðeigandi bloggflokka - þetta hefur ekkert að gera í "Vísindi og Fræði", "Kvikmyndir", "Bækur" eða "Matur og og drykkur", heldur virkar bara sem argasti dónaskapur gagnvart öðrum bloggurum því þú ýtir þeirra greinum í burtu.

[Kristín Katla Árnadóttir, 8.5.2007 kl. 14:34]

Já það eru til aurapúkar það er ég viss um.

[Sigfús Sigurþórsson., 8.5.2007 kl. 15:25]

Og með hala? þetta eru ljótu púkarnir sem þú ert búin að planta þarna niður.

Einu aurapúkarnir sem ég hef séð erum við mannfólkið, öllsaman með tölu erum við aurapúkar, bara misjafnir aurapúkar, en engan séð með hala,

ennþá.

[Katrín Snæhólm Baldursdóttir, 8.5.2007 kl. 16:30]

Þú ert nú bara eins og drottning Guðný á þessari nýju mund..Kleopatra t.d.

Iss hef engar áhyggjur af aurapúkum...þeir hafa ekkert til min að sækja í bili.

[Svava frá Strandbergi , 8.5.2007 kl. 18:50]

Já viið erum öll aurapúkar inn við beinið. 

En Katrín þetta er nú ekki andlit mitt í dag en kannski ég ætti svona hvað úr hverju að fara að sýna mitt rétta andlit. 

[Kristín Katla Árnadóttir, 8.5.2007 kl. 19:12]

Ég var að hugsa það sama og Katrín þú líkist kleopötru.

[www.zordis.com, 8.5.2007 kl. 19:37]

Púkarnir fylgja okkur allstaðar og hvort sem þeir heita aura eða annað þá elta þeir okkur uppi og spyrna við, stundum með og stundum á móti!  Skemmtileg saga um Skara púka ......  Flott mynd svo ekki verður um villst! 

[Katrín Snæhólm Baldursdóttir, 8.5.2007 kl. 20:33]

Sýna þitt rétta andlit.?.Svava mín það sést í gegnum ljóðin sögurnar og myndirnar. Þú ert bara gullfalleg...

[Svava frá Strandbergi , 8.5.2007 kl. 21:39]

Takk Katrín og sömuleiðis, það sést í gegnum listina þína og sögurnar að þú ert falleg kona.

[Ásdís Sigurðardóttir, 9.5.2007 kl. 00:32]

Ánægð með nýju myndina af þér, þú ert að líkjast konunni sem ég hitti um daginn hjá þér

[Svava frá Strandbergi , 9.5.2007 kl. 00:47]

Takk fyrir það Ásdís já ég er líkari konunnu sem þú hittir heima hjá mér, nema ég er betur til höfð á myndinni, máluð og svoleiðis.

[Sigurður Þór Guðjónsson, 9.5.2007 kl. 21:59]

Ég er voða ljótur maður. 

[Svava frá Strandbergi , 9.5.2007 kl. 22:13]

Jæja. ég líka ljót því við erum ansi lík Nimbus. 

Mér finnst annars að þú hefðir átt að heita Sigfríður ef það væri karlmannsnafn.