Góða nótt öll sömun þessa Menningarnótt!

Ég fór í bæinn í dag á Menningarnótt eða réttara sagt dag. Það var allt fullt af fólki og mjög gott veður og skemmtileg stemming í borginni. Við lögðum bílnum fyrir ofan Hlemm og gengum niður allan Laugaveg og líka niður Skólavörðustígnn. Þar fór ég á sýningu hjá skólasystur minni úr MHÍ en hún rekur gallerý við götuna. Það voru flottar myndir á sýningunni og rándýrar.
Svo stoppuðum við aðeins við ákveðið hús á Laugaveginum til þess að kaupa tvær geitur. Geitur eru svo skemmtilegar og koma þess utan að góðu gagni fyrir fátækar bændafjölskyldur í Namibiu.
Síðan gengum við sem leið lá alla leið út á Granda og stigum þar um borð í Logos, kristilega bókaskipið, þar er hægt að fá fínar bækur á góður verði. Við fengum okkur svo kaffi og smáköku með því, í kaffistofu skipsins og löbbuðum svo alla leið aftur uppá Hlemm.
Við stoppuðum samt á mörgum stöðum þar sem eitthvað skemmtilegt var að gerast og fengum okkur svo auðvitað pulsu og kók á leiðinni.
Ég reiknaði út af minni einstöku stærðfræðisnilld, að við hefðum labbað heila tíu kílómetra sem er bara góður göngutúr. Alla vega nógu langur fyrir mig svo ég ákvað að horfa bara á sjónvarpið í kvöld og nú er ég að fara að  stinga mér í bólið,  milli hommanna minna tveggja. Góða nótt öll sömul.

Athugasemdir

[Ása Hildur Guðjónsdóttir, 18.8.2007 kl. 23:56]

Þú hefur vonandi skráð þig hjá maraþoninu ?

Mikið ertu dugleg að ganga

[Svava frá Strandbergi , 18.8.2007 kl. 23:59]

Nei Ása Hildur, það athugaði ég ekki, því miður Asninn ég.

[Jóna Á. Gísladóttir, 19.8.2007 kl. 00:39]

Bið að heilsa hommunum . Þú hefur átt góðan og eftirminnilegan dag.

[Kristín Katla Árnadóttir, 19.8.2007 kl. 09:19]

Þú hefur skemmt þér vel í bænum það er gott.

[Ásdís Sigurðardóttir, 19.8.2007 kl. 14:15]

Vona að þú hafir ekki gegnið fram af þér í gær dúllan mín. Hvernig hefur Tító það í dag??

[Svava frá Strandbergi , 19.8.2007 kl. 20:57]

Já það var þrælskemmtilegt í bænum og ég gekk ekki fram af mér, heldur fram úr mér því ég var alveg hissa hvað ég gat gengið mikið. Við hommarnir fengum heimsókn í dag, því vinkona mín kom til mín og við horfðum á tívíið og fengum okkur prizzu og bjór með. Hommunum langaði mikið í pizzu líka, en þar sem Tító má bara borða lyfseðisskylda matinn sinn, sem Gosi getur borðað líka, fengu þeir ekkert greyin.

Já, long time no see, Guðmundur. Gaman að sjá framan í þig. Gott að þú skemmtir þér í bænum. 

[Marta B Helgadóttir, 19.8.2007 kl. 21:24]

þetta var frábær dagur

[Svava frá Strandbergi , 19.8.2007 kl. 22:36]

Jamm, Marta.