Sefur sól

Sefur sól
und jarðar yggldri brún
haust
hvín vindurinn hvössum rómi
úfið
svelgir haf saklaust skip
sorgmætt
fellur regn í næturstríði.

Athugasemdir

[Ásdís Sigurðardóttir, 4.9.2007 kl. 22:31]

Vona að rokið nái engu skipi í nótt.

[Svava frá Strandbergi , 4.9.2007 kl. 22:37]

Það ætla  ég rétt að vona líka. Ég er nú ekki álagaskáld eða hvað það nú er kallað. Það heitir eitthvað annað, man það ekki núna. Hver getur minnt mig á hvað það skáld er nefnt sem yrkir ljóð sem verða að árhrínisorðum?

[Marta B Helgadóttir, 4.9.2007 kl. 23:24]

Fallegt ljóð. Takk

[www.zordis.com, 4.9.2007 kl. 23:40]

Komið hausthljóð í Frúnna!  Fallegt að vanda kæra Svava!

[Svava frá Strandbergi , 4.9.2007 kl. 23:45]

Takk sömuleiðis.

[Kristín Katla Árnadóttir, 5.9.2007 kl. 09:50]

Fallegt ljóð.

[Ása Hildur Guðjónsdóttir, 5.9.2007 kl. 12:30]

Flott ljóð

 takk fyrir mig

 Er það ekki áhrínisskáld?

[Steinunn Helga Sigurðardóttir, 5.9.2007 kl. 15:52]

fallegt !

AlheimsLjós til þín

steina

[Sigurður Þór Guðjónsson, 5.9.2007 kl. 16:20]

Kraftaskáld eða ákvæðaskáld! Það sem þau ortu varð að áhrínisorðum.  

[Svava frá Strandbergi , 5.9.2007 kl. 22:55]

Takk öll Nimbus áður en ég las kommentið þitt poppaðai upp orðið ákvæðaskáld í tölvunni í hausnum á mér. Svona er minnið í hausnum orðið seinvirkt. Ég þarf að láta upphfæra á mér heilann. 

Ljós til þín líka Steina.

Jú Arna, ég er komin með efni í heila ljóðabók. Mig langar að gefa hana út og myndskreyta hana sjálf, en vantar pening. Forlögin eru treg til að gefa út ljóðabækur eftir óþekkta höfunda. Þó var Þorsteinn Thorarensen í Fjölvaútgáfunni eitt sinn búinn að lofa að gefa út ljóðabókina mína. Það varð samt ekkert úr því, þar sem hann veiktist alvarlega.