Ég vil trúa á skrímslið. En ég hef gert uppgötvun aldarinnar!

Mér finnst allar sögur um skrímsli, tröll, álfa, huldufólk, nykra og fleiri furðuverur svo heillandi. En ég hef ekki mikla trú á tilvist skrímslisins í Loch Ness þó ég trúi hálfpartinn á huldufólk og aðrar víddir, því það er svo margt sem við skynjum almennt ekki.
En skrímslið í Loch Ness tel ég vera þjóðsögu eina líkt og sagan um orminn í Skorradalsvatni. Mig minnir að hann hafi þannig  tilkomið að heimasætan á Grund, einum bænum í dalnum lagði orm á gull sitt og geymdi í smáskríni. Ormurinn óx hins vegar hratt og braust loks út úr skríninu og stefndi beint í vatnið þar sem hann hefur haldið til æ síðan.
Ég eyddi einu sumri við Skorradalsvatn þegar ég var 13 ára og ég man að þá trúði ég hálft í hvoru á tilvist ormsins í vatninu, því vatnið var bæði djúpt og dularfullt. Svo var það líka langt og mjótt eins og ormur.
Það er svipað með Lagarfljót en þar á að búa skrímslið, Lagarfljótsormurinn og það er skrýtið að Lagarfljót er einmitt líka svona langt og mjótt eins og Skorradalsvatn og Loch Ness vatnið.

Svona þjóðsögur og mýtur eru lífseigar af því þær krydda tilveruna og ekki er verra ef hægt er að hafa  einhverjar tekjur af þeim eins og raunin er með Loch Ness skrímslið.

Ég lærði anatomyu í Myndlista og handíðaskólanum og hef gaman af því að teikna mannslíkamann og nú þegar ég horfði á þessa frægu mynd af Nessý rann upp fyrir mér ljós.

Myndin er af mannshandlegg og hendi sem beygð er í  ákveðna stellingu til þess að líkjast sem mest einhvers konar höfði.
Ofanverð öxlin á manninum og  upphandleggurinn mótar búkinn á Nessý en framhandleggurinn hálsinn og höndin myndar höfuðið, að öðru leyti er maðurinn undir vatns yfirborðinu. Þetta er frekar þrekinn handleggur af stæltum karlmanni. Ljósmyndin af handleggnum og hendinni er tekinn þannig að ytri jaðar handarinnar vísar fram í myndina en ef vel er að gáð sést glitta í þumalfingurinn sem snýr inn í myndina frá áhorfandanum.

Nessie eða otur?

Athugasemdir

[Svava frá Strandbergi , 4.6.2007 kl. 16:21]

Ég er sjúr á því að þetta er reyndin, sérðu ekki móta fyrir þumalfinum á hendinni sem á að vera hausinn á Nessý?

[Snorri Hansson, 4.6.2007 kl. 17:17]

Mjög fín skíring. Myndin gæti verið tekin í sundlaug.

[Svava frá Strandbergi , 4.6.2007 kl. 17:58]

Já alveg eins.

[Agný, 4.6.2007 kl. 19:03]

Kanski þetta sé handleggur á risa á sundi?

[Svava frá Strandbergi , 4.6.2007 kl. 20:04]

Já það skyldi þó aldrei vera að Nessý væri bara venjulegur risi sem fær sér stundum sundsprett í vatninu.

[www.zordis.com, 4.6.2007 kl. 21:07]

Magnús Ólafsson sundkappi úr Zorlákshöfn!  Zad var zá aldrei ad hans ungu ár nádu til fyrri ára!  Zú ert flottust Gudný Svava!

[Ásdís Sigurðardóttir, 4.6.2007 kl. 22:08]

Frábær pæling. En mér datt í hug þegar þú nefndir að úr lofti séð séu vötninn eins og ormar, eru þetta þá ekki geimverur sem hafa gefið okkur þessar skýringar. Eru þá kannski geimverur gangandi um á meðal okkar??? who knows..

[Ása Hildur Guðjónsdóttir, 4.6.2007 kl. 23:01]

Við deilum greinilega ýmsum áhugamálum. Þetta er frábær skýring hjá þér. Verst við svona skýringar sem eru trúverðugar að þá tapast ævintýrið. En ég hélt þessi saga ætti við Lagarfljótið en þar hef ég eytt löngum stundum með börnum mínum og barnabarni við að reyna að sjá orminn. Það er svo gaman að hafa þessa trú á það sem við getum hvorki sannað né afsannað. Svona sögur eru í miklu uppáhaldi hjá mér. Ekki síst þegar ferðast er um landið og tekst að tengja þær við örnefnin.

[Jens Sigurjónsson, 4.6.2007 kl. 23:11]

 ekki svo galin skíring.

[Svava frá Strandbergi , 4.6.2007 kl. 23:34]

Ásdís, já hver veit nema geimverur  hafi gefið okkur þessar skýringar. Ég er allavega sannfærð um tilvist þeirra. Jörðin er mjög ólíklega eina plánetan í geimnum sem skynigæddar lífverur þrífast á.

Já Ása Hildur greinilega deilum við ýmsum áhugamálum. Mér finnst gaman að gera skartgripi t.d. eins og þú og seldi þá eitt sinn í galleryi hér í borg. Mér finnst þínir skartgripir frábærir. Ég var líka eitt sinn í áhugaleikflokkni úti á landi þó lítið væri um leik hjá mér. En það er satt það er gaman að sögunum þær eru eitt af því sem gefur lífinu gildi, trúin á það sem við kannski aldrei getum sannað. Sagan á líka við Lagarfljótið eins og Skorradalsvatn og Loch Ness.

Takk Jens fyrir að finnast þessi skýring ekki svo galin. 

[Kristín Katla Árnadóttir, 5.6.2007 kl. 09:46]

Já ég sammála Jens það er svo gaman að hafa þessa trú.

[Jóna Á. Gísladóttir, 5.6.2007 kl. 21:48]

Það sem mig langar að vita er; hvað er anatomya?

[Svava frá Strandbergi , 6.6.2007 kl. 08:43]

Ja. Jóna ég er ekki viss um hvað það er kallað á íslensku. En ég kalla það
bara líkams byggingu. Kennt er hvernig á að teikna alla beinagrindina og
þekkja hana einnig hvar og hvernig allir vöðvar eru festir á líkamann og hvernig þeir eru í laginu bæði þegar þeir eru slakir og spenntir.

[Sigfús Sigurþórsson., 6.6.2007 kl. 15:26]

Ég er búinn að vera að velta fyrir mér hinum og þessum skrímslum sem hafa sést í hinum og þessum vötnum, og lagarfljíts orminum líka. Þú ert gjörsamlega búin að leysa þessa gátu fyrir mér, hér er þetta allt á hreinu, maður á sundi, máské alvega að drukkna.

Glæsi.

Kveðja:

[gerður rósa gunnarsdóttir, 6.6.2007 kl. 21:08]

´... bara venjulegur risi sem fær sér stundum sundsprett ...´ HAHAHAHAHA...