Olympíuleikarnir í Peking

Ég vaknaði í morgun til þess að horfa á keppnina um gullið í handboltanum og mér varð það fljótt ljóst að við myndum láta í minni pokann í þessum leik.
En þó gleðst ég yfir góðum árangri okkar manna, því það er enginn smá árangur hjá þeim að verða í öðru sæt.
Samt verð ég að viðurkenna það, að þegar ég horfði á leikana og auglýsingarnar um þá, varð ég oft hálfpartinn hrygg í bragði. Því þessir leikar eru aðeins ætlaðir fáeinum útvöldum, sem hvergi kenna sér meins, hvorki líkamlega né andlega,

Hvað með þá sem eru fatlaðiir á einhvern hátt? Gátu þeir glaðst með, þar sem þeim var meinaður aðgangur að þessum leikum? Máttu ekki einu sinni koma sem áhorfendur.

Hvað með það að litla stúlkan sem átti að syngja við setningu Olympíuleikanna var ekki talin falla í hinn fullkomna hóp, af því að hún var með skakkar tennur? Og önnur fullkomin stúlka (útlitslega séð) var látin þykjast syngja fyrir hana.
Hvers konar áhrif ætli sú lítillækkandi höfnun, hafi á sálarlíf litlu 'ekta' söngstúlkunnar í framtíðinni?

Hvað með heftun á mál og ritfrelsi og önnur mannréttindabrot? Er það siðferðislega rétt að við samþykktum allt þetta óréttlæti og siðblindu , með því að taka þátt?

Man einhver eftir manni að nafni Hitler???

Vorum við ekki hreint út sagt, ekki að viðurkenna kenningar þess manns, með þátttöku okkar???

Athugasemdir

[Guðjón H Finnbogason, 24.8.2008 kl. 17:51]

Þetta fór vel þetta er eitt af bestu liðum heims í Handbolta og það er ekkert smá í þrjúhundruð þúsund manna þjóðfélagi.Það verða svo allir sem geta fara á móttökustað og hilla þá.Eigi þið svo góðan dag.

[Ásdís Sigurðardóttir, 24.8.2008 kl. 22:25]

TIl hamingju með silfrið     

[Svava frá Strandbergi , 25.8.2008 kl. 00:14]

Sömuleiðis, Ásdís og allir aðrir.

[Ester Sveinbjarnardóttir, 25.8.2008 kl. 10:14]

Það eru haldnir ólympíuleikar fyrir fatlaða, íslendingar hafa einmitt á þeim leikum átt mikið af afreksfólki.

[Jens Sigurjónsson, 25.8.2008 kl. 13:43]

Silfrið er frábært.

Bestu kveðjur Jenni.

[www.zordis.com, 26.8.2008 kl. 01:00]

Ég er sammála þér med hrikalega ljóta framkomu mótshaldaranna í gard zeirra sem ekki höfðuðu til lúkksins.

Zad er allsvakalega miszyrming sem viðurkennist af samfélaginu og þegnanna.  Ég horfði á ´þátt um unga og upprennandi íþróttakrakka og þa' lá við að ég felldi tár með þessum litlu englum sem voru pískaðir áfram.

Þessir leikar voru ekki tákn frelsis svo mikið er víst!

Hlakka til að hittast!

[Kristín Katla Árnadóttir, 26.8.2008 kl. 18:16]

Kær kveðja til þín Guðný mín.

[Svava frá Strandbergi , 27.8.2008 kl. 09:50]

Guðjón, það fór kannski vel fyrir okkar mönnum. en ekki fyrir ótal Kínverjum og útlendiingum sem dirfðust að segja sína meiningu varðandi mál og ritfrelsi. Þetta fólk var fangelsað fyrir það eitt að mótmæla. Annað var rekið út á götuna úr húsum sínum, þar sem það átti að rífa þau fyrir Olympíuleikanna. Þau litu ekki nógu vel út, frekar en litla söngkonan með skökku tennurnar.  Þessir leikar voru ekkert annað en yfirborðsmennska af hálfu Kínverja og brotið gróflega á fjölda manns. Þess vegna áttum við ekkert að taka þátt í þeim.

Ester, ég veit að það eru haldnir Olympíuleikar fyrir fatlaða, en það er ekki málið, heldur  það að fötluðu fólki var meinað að koma á þessa Olympíuleika, sem áhorfendur. Er það allt í lagi? 

Ég get vel unnt okkar afreksfólki silfursins, en eftir stendur að Íslendingar áttu að hundsa þessa leika vegna allra mannréttindabrotanna og óréttlætisins gagnvart svo mörgu fólki, sem Kínverjar sýndu vegna þeirra. Þeir settu t.d. upp eftirlitsmyndavélar út um allt og þær verða ekki teknar niður eftir leikana heldur notaðar áfram svo betur sé hægt að fylgjast með því að fólk sé ekki að aðhafast neitt sem er stjórnvöldum á móti skapi.

Zordís, ég horfði líka á þennan þátt um kínversk börn sem eru, eins og þú segir pískuð áfram í fimleikaskólum allt frá fimm ára aldri, aðskilin frá foreldrum sínum og þjálfuð af miskunnarlausum þjálfurum, allt með von um Olympíugull í framtíðinni. Nei þessir leikar hjá Kínverjum voru svo sannarlega, ekki tákn frelsisins 

Kær kveðja til þín Katla mín.

[Diddi (IP-tala skráð) 29.8.2008 kl. 00:30]

Kakóið var sætt. Hitler hét ekki Hitler, hann hét Adolf.

[Svava frá Strandbergi , 29.8.2008 kl. 22:34]

Hann hét Adolf að fornafni já og það veit ég jafnvel og þú Kristinn,  en eð eftirnafi hét hann Hitler.
Enginn hefði vitað til hvaða manns ég var að  vísa hefði ég spurt.
'Man einhver eftir manni að nafni Adolf?'