Ég vona að þeir verði heimaskítsmát með þetta bull

Hvernig í ósköpunum stendur á þeirri fáránlegu hugmynd að fara að grafa Bobby Fischer á Þingvöllum?  Við hlið 'listaskáldsins góða',  ef það er þá örugglega hann?  Mér skilst að í kirkjugarðinum þar sem Jónas var fyrst jarðsettur og seinna grafinn upp aftur,  hafi líki verið plantað ofan á lík í árhundruði og að það hafi enginn verið kvæt sjúr á því,  hvers bein,  voru Jónasar,  nema þá kannski annar fót- leggurinn hans,  brotni?
Það mál fannst mér vera skandall,  en að jarðsetja,  'útlægan´ Ameríkana á Þingvöllum, jafnvel þó hann hafi verið kominn með íslenskan ríkisborgararétt,  já og líka þó að hann hafi verið heimsmeistari í skák,  finnst mér  vera sýnu verri skandall.
Við eigum ekkert í Bobby Fischer,  ekki einu sinni fótlegg af honum,  hvað þá meir.
Hann telfdi hérna skák, fyrir ca. 'hundrað árum' og þess vegna varð hann auðvitað 'Íslandsvinurinn góði.' Og þegar hann kom sér í vandræði í sinni eiginn heimabyggð vorum við Íslendingar svo góðir við hann á móti,  að bjóða honum að verða bara alvöru Íslendingur, sjálfur.

Einvígi aldarinnar og allt það,  en að hann eigi heima á Þingvöllum, þegar hann er dauður ,  er í mínum augum ekkert annað en misskilin íslensk þjóðremba í einni sinni lúmskustu mynd.
Því þetta er ekkert annað en auglýsingabrellla fyrir Ísland,  of course,  nákæmlega eins og ríkisborgararéttur manngreysins var.

Hugsið ykkur nú bara,  að gædinn muni geta sagt gapandi túrhestunum á Þingvöllum,  andaktugur frá því,  að þarna í kirkjugarðinum liggi þeir hlið við hlið Íslendingarnir og sómarjómi þjóðarinnar, Jónas Hallgrímsson, höfuðskáld Íslands og Bobby Fischer, höfuðverkur Bandaríkjanna.

Hvernig væri nú að slappa aðeins af og spyrja kærustuna hans Bobbys,  hvar hún vilji láta útför hans fara fram? 

'Drottinn gef þeim dauðu ró, en hinum líkn er lifa.' 

Fischer grafinn á Þingvöllum?

Athugasemdir

[Gúrúinn, 20.1.2008 kl. 10:26]

!00 prósent sammála þér! Það yrðu helgispjöll að grafa ofsóknarbrjálaðan og snarvitlausan fyrrverandi taflmann sem rétt fékkst til að tefla hér í den (vildi aldrei tefla á Íslandi) og gerði nær alla afhuga sér með frekju og dyntum sem áttu bara eftir að aukast.

Hins vegar má benda á það að fyrst við höfum danskan bakara heygðan á Þingvöllum, þá er kannski ekkert sem mælir gegn því að paranojskur gyðingur fái að liggja þar líka. En þá gefum við líka upp þá von að við höfum ferjað rétt bein á sínum tíma frá Köben.

[Kristín Katla Árnadóttir, 20.1.2008 kl. 16:15]

Ég var svo hissa á þessum fréttum líka ég á ekki til orð.

[Ásdís Sigurðardóttir, 20.1.2008 kl. 20:08]

Þetta er svona með því klikkaðra sem maður hefur heyrt.

[Jens Sigurjónsson, 21.1.2008 kl. 04:16]

Èg er sammala ter Fischer a ekki heima a Tingvollum.

Bestu kvedjur.