Kötturinn bjargaði lífi mínu

 

 

 

Ég las um það í Mogganum um daginn að hundur í eigu einhverrar konu í Bandaríkjunum hefði bjargað lífi hennar þegar það stóð í henni eplabiti. Hundurinn felldi konuna í gólfið og hoppaði ofan á bringunni á henni þar til bitinn hrökk upp úr henni.
Þegar ég las þetta minntist ég þess þegar kötturinn minn hann Bambus sálugi bjargaði lífi mínu fyrir 11 árum.
Ég hafði hitað mér hafragraut um morguninn og fengið mér að borða en látið svo pottinn aftur á helluna en gleymt að slökkva á henni.
Ég var ennþá grútsyfjuð og  átti  frí í vinnunni svo ég lagði  mig aftur.  Ég rumskaði við það að mér fannst einhver strjúka mér um kinnina. É g hélt að þetta væri sambýlismaður minn sem væri að gæla við mig í svefninum og sofnaði ljúflega aftur.
En mér fannst skrýtið að hann lét ekki þar við sitja að strjúka mér einu sinni um vangann heldur gerði hann það hvað eftir annað.
Ég man að ég hugsaði í svefnrofunum. Voðaleg ást er þetta, það er ekki einu hægt að fá  frið þegar maður er dauðþreyttur og sofandi.
Það var ekki fyrr en ástmaðurinn klóraði mig fast í kinnina sem ég rauk upp ösku þreifandi ill og öskraði. Hver andskotinn er þetta eiginlega! Er ekki einu sinni hægt að leyfa manni að sofa í friði?
Ég leit beint í bláu augun hans Bambusar síamskattarins míns sem horfði á mig hálfhræddur en samt eitthvað áhyggjufullur á svip . Ég skildi ekkert í því að ég átti erfitt með andardrátt, en svo tók ég eftir að íbúðin var full af reyk.
Mig rámaði eitthvað í hafragrautinn og staulaðist fram í eldhús í reykjarkófinu og sá þá að það skíðlogaði upp úr helv... pottinum.
Ég man ekkert hvernig ég kom pottinum ofan í vaskinn til þess að slökkva eldinn þó ég brenndi mig á annarri hendinni við verkið.
Potturinn var ónýtur og eldhúsbekkurinn sviðinn og ég sá fram á þetta slys myndi kosta mig einhverja peninga svo ég hringdi í tryggingafélagið mitt.
Þar var mér tjáð að þar sem eldurinn hefði ekki læst sig í eldhúsinnréttinguna heldur aðeins sviðið hana ætti ég ekki rétt á neinum bótum. Nú voru góð ráð dýr. Hvernig átti ég að fá pening fyrir viðgerðunum?
Skyndilega fékk ég hugljómum þegar ég mundi eftir því að borgað var fyrir fréttaskot hjá DV. Þegar blaðamennirnir heyrðu að Bambus hefði bjargað lífi mínu með því að klóra mig í kinnina vildu þeir endilega koma og taka mynd af okkur.
Það fór því þannig að við Bambus trónuðum á forsíðu DV daginn eftir en því miður var þessi frétt ekki talin besta frétt vikunnar en fyrir hana fékk maður best borgað. Einhverja aura fékk ég þó og þá skammtíma frægð sem fylgdi  forsíðurfrétt á DV.

 

 

 

 

 

 

Athugasemdir

[Ragnar Bjarnason, 31.3.2007 kl. 13:20]

Þau geta verið skynug dýrin okkar.

[Svava frá Strandbergi , 31.3.2007 kl. 16:20]

Já þau vita sínu viti sem betur fer.

[www.zordis.com, 31.3.2007 kl. 18:08]

Hugljúf minning um Bambus.  Af hverju Bambusar nafnið?  Dyrin eru alveg yndisleg og launa væntumþykjuna! 

[Svava frá Strandbergi , 31.3.2007 kl. 18:14]

Mér fannst hann svo bangsalegur og ætlaði að kalla hann Bangsa en svo breyttist það í Bambus. Bambus var reyndar blandaður síamsköttur, því amma hans var hreinræktaður Pesaköttur. þess vegna var hann svona breiðleitur og bangsalegur.

[Kristín Katla Árnadóttir, 1.4.2007 kl. 00:57]

það er  það er rétt með blessuð dýrin  þau finna á sér ef eitthvað  er að.

 Það er eins með tótu mínu, 

 þá kom hún ef maður leið eitthvað illa þá var hún fljót að koma og hugga mann.

[Sigfús Sigurþórsson., 1.4.2007 kl. 02:34]

Þetta er klárlega lífgjafi þinn, en hvað varð um Bambus?

[Svava frá Strandbergi , 1.4.2007 kl. 03:23]

Hver er Tóta Kristín Katla?

Partners, Bambus dó úr krabbameini í lifur árið 1997 þá 10 ára að aldri. Hann varð skyndilega veikur eitt kvöldið en ég hélt að hann myndi lagast. Morguninn eftir gat hann rétt dregið sig áfram á maganum. Ég fór með hann upp á Dýraspíala og dýralæknirinn sagði að hann væri með krabbamein. Ég varð þá að láta svæfa hann. Það var erfitt en ég var hjá honum þangað til hann var farinn.

[Kristín Katla Árnadóttir, 1.4.2007 kl. 09:00]

Tóta var tík sem ég átti  hún dó rétt fyrir jól  ég elskaði hana mjög mikið .

[Sigurður Þór Guðjónsson, 1.4.2007 kl. 12:23]

Bambus var flottasti kötturinn þinn.

[Svava frá Strandbergi , 4.4.2007 kl. 14:04]

Já Bambus var yndislegur og mikið krútt.