Leita í fréttum mbl.is

Bloggfærslur mánaðarins, ágúst 2007

'Rose'

^^^^^^^^^^^^^^^^^^^^^^^^^^^^^^^^^^^^^^^^^^^^^^
 
An elderly couple had dinner at another couple's house, and after eating, the wives left the table and

went into the kitchen. The two gentlemen were talking, and one said, "Last night we went out to a

new restaurant and it was really great I would recommend it very highly" The other man said, "What

is the name of the restaurant?" The first man thought and thought and finally said, "What is the

name of that flower you give to someone you love? You know... the one that's red and has thorns?"

"Do you mean a rose?" "Yes, that's the one," replied the man.

He then turned towards the kitchen and yelled,

"Rose, what's the name of that restaurant we went to last night?

Það kom í bakið á mér

að hafa gengið svona langa leið á Menningarnótt, eins og ég montaði mig svo mikið  af að hafa gert. Ég er búin að liggja eins og skataí í allan dag, til skiptis  með íssgel poka eða hitapoka,  við mjóhrygginn og dragnast um draghölt þess á milli. Ég tók tvær parkódín forte í dag, en bara eina í einu og komst í algjört rúss af þeim, enda tek ég þær ekki nema í neyð.
Ég hef ekkert komist út í búð í tvo daga svo ég hef bara lifað á brauði og tei. Það er líka svo langt að fara til að komast í verslun,  því öðlingarnir Jóhannes og Jón Ásgeir lögðu niður Bónus verslunina í hverfinu. Hún var bara í tveggja mínútna göngufæri frá húsinu sem ég bý í. Nú þarf maður að fara alla leið upp í Hólagarð til þess að versla
Þegar ég lá þarna í rúminu í dag,  datt mér í hug að prófa að liðka mig í bakinu með því að lyfta fótunum upp til skiptis.  En mikið svakalega brá mér þegar ég lyfti fyrst upp öðrum fætinum, því það brakaði og brast  í hryggjarliðunum, niður eftir öllu bakinu. En ég hélt samt áfram þó ég byggist við því á hverri stundu að hryggsúlan hrykki í sundur með háum hvelli. En þessar æfingar báru þann árangur að ég gat skreiðst fram úr rúminu og gefið hommunum að éta og  svo náttúrulega bloggað líka.
En það var fínt að það var rigning í dag, því þá er svo gott að liggja í rúminu.

Lag gert við ljóðið mitt 'Huggun', sem er um hann Tító minn

Ég fékk skemmtilega upphringingu frá ungum manni,  Halldóri nokkrum, náði ekki eftirnafninu. Hann sagðist hafa gert lag við ljóðið 'Huggun' , sem ég gerði um hann Tító minn og birti hér á blogginu mínu. Hann sagði að hann hefði gert lagið í febrúar því ég hefði birt ljóðið fyrst þá á blogginu.
Ég var náttúrulega búin að steingleyma því að ég hefði birt ljóðið hérna áður. Við töluðum heillengi saman, mest um dýrin okkar, en hann á bæði kött og hund. Ég sagði honum að það hefði verið gert lag við ljóð eftir mig áður, en það ljóð heitir 'Ský' og sá sem gerði lagið hefði sungið það með textanum mínum,  opinberlega. Það var einhver tónlistarkennari sem gerði það lag og hann hringdi í mig á sínum tíma til þess að segja mér frá þessu. Hann ætlaði að senda mér lagið með söng sínum, en það varð nú aldrei neitt af því. Ef þessi tónlistarkennari les þetta blogg, sendir hann mér kannski upptöku af sönglaginu 'Ský' eftir allt saman.
Halldór lofaði að senda mér lagið sitt við 'Huggun' og ætlar kannski líka að gera lag um Skýið. Hann spurði hvar hann gæti nálgast það og ég benti honum á það.
Svo gáfum við hvort öðru netföngin okkar og nú bíð ég spennt eftir laginu hans Halldórs, um Títólinginn minn.

Tító minn verður þá kannski ódauðlegur eftir allt saman, ef lagið verður þekkt. Jibbý, jibbý, jei! 


Ég tók mig til eitt sinn þegar mér ofbauð draslið heima hjá mér

scan0005

og málaði mynd af lítilli býflugu á viðarbút. Ég dáist svo að býflugum af því þær eru svo duglegar og vinnusamar og ég hefði ekkert á móti því að eiga svo sem eina, í súperstærð til þess að taka til heima hjá mér.
Ég skrifaði líka þekkt slagorð á viðarbútinn og hengdi hann svo upp á áberandi stað til þess að minna mig á að vera iðin við að halda öllu hreinu og fínu heima hjá mér.
Þetta slagorð hefur síðan verið mín einkunnarorð og leiðarljós í lífi mínu.

Svo í gær gerðist hræðilegt slys, þegar ég var að þurrka af viðar- rimlagardínunum. 

 

Myrkraverk á bak við tjöldin

Ég klessti kolbrjálað
flugukvikindi inn´í  gardínurimlunum,
þegar ég dró fyrir gluggann.
Ég frem mín myrkraverk, á bak við tjöldin.


Góða nótt öll sömun þessa Menningarnótt!

Ég fór í bæinn í dag á Menningarnótt eða réttara sagt dag. Það var allt fullt af fólki og mjög gott veður og skemmtileg stemming í borginni. Við lögðum bílnum fyrir ofan Hlemm og gengum niður allan Laugaveg og líka niður Skólavörðustígnn. Þar fór ég á sýningu hjá skólasystur minni úr MHÍ en hún rekur gallerý við götuna. Það voru flottar myndir á sýningunni og rándýrar.
Svo stoppuðum við aðeins við ákveðið hús á Laugaveginum til þess að kaupa tvær geitur. Geitur eru svo skemmtilegar og koma þess utan að góðu gagni fyrir fátækar bændafjölskyldur í Namibiu.
Síðan gengum við sem leið lá alla leið út á Granda og stigum þar um borð í Logos, kristilega bókaskipið, þar er hægt að fá fínar bækur á góður verði. Við fengum okkur svo kaffi og smáköku með því, í kaffistofu skipsins og löbbuðum svo alla leið aftur uppá Hlemm.
Við stoppuðum samt á mörgum stöðum þar sem eitthvað skemmtilegt var að gerast og fengum okkur svo auðvitað pulsu og kók á leiðinni.
Ég reiknaði út af minni einstöku stærðfræðisnilld, að við hefðum labbað heila tíu kílómetra sem er bara góður göngutúr. Alla vega nógu langur fyrir mig svo ég ákvað að horfa bara á sjónvarpið í kvöld og nú er ég að fara að  stinga mér í bólið,  milli hommanna minna tveggja. Góða nótt öll sömul.

Bomsadeisí!

Jessica litla
bomsadeisí!
Afhjúpar bossa
og brjóst.
Gröðu gaurarnir
gerast kreisí!
Er eftir því
hafa sóst.


mbl.is Jessica Biel fækkar fötum í næstu mynd
Tilkynna um óviðeigandi tengingu við frétt

Huggun

Þú kemur til mín
ósköp hægt og hljótt
er húmið dökka
sest um sefa minn.
Í hjarta mér
þá helköld ríkir nótt
en heit mín tár
sem falla á fölva kinn.
Þá lýsa mér þín augu
blíð og blá.
Svo björt og hrein
þar skín mér ástin þín.
Sem glæðir aftur
gleymda von og þrá.
Þú göfga litla hjartans,
kisan mín.

 

Tíó mínum hefur versnað undanfarið. Hann hefur legið mikið einn í bólinu sínu og eltir mig ekki lengur um allt. Það er eins og hann sé svo þreyttur og áhugalaus um allt. Hann sem alltaf fylgdi mér hvert fótmál liggur nú bara fyrir og dormar
Hann er líka svo skrýtinn í augunum eins og hann sé alltaf syfjaður og jafnvel þó að hann elti mig stundum fram í eldhús þegar hann heyrir mig opna ísskápinn þá borðar hann samt ekki heldur hangir bara yfir matarskálinni sinni með lokuð augun.
Svo í gærmorgun kastaði hann svo mikið upp og kúgaðist svo mikið. Svo gaf ég honum að borða aftur eftir klukkutíma og þá kastaði hann strax upp aftur, um leið og hann var búinn að borða.
Ég fór með hann upp á dýraspítala og dýralæknirinn gaf honum sterasprautu, B vítamín og sýklalyf og sagði mér að sjá til .
Tító er nú að verða níu ára í nóvember og dýralæknirinn sagði að heilbrigðir balinese kettir yrðu í mesta lagi 10 til 12 ára, en hann hefði náttúrulega aldrei verið heilbrigður með þessi veiku nýru sín og einhvern tíma yrðu allir að deyja, þó hann væri ekki alveg að fara nú á nóinu
Ég er eins og dofin og ég held að það séu  sálræn varnarviðbrögð mín. Ég get vart hugsað til þess að Tító fari frá mér en veit að það er rétt að, að því kemur eins og hjá öllum öðrum, að hann deyr. En þangað til ætla ég að njóta þess tíma sem hann er hjá mér, hann elsku Tító minn.


Skinfaxi heitir, er inn skíra dregur

scan0003

dag of dróttmögu,
hesta bestur
þykir með Hreiðgotum
ey lýsir mön of mari.


Gleðidagur

Ég fór með systur minni og vinkonu að horfa á Gay- Pride gönguna. Við plöntuðum okkur niður í Bankastræti og fylgdumst með þessari meiriháttar gleðigöngu. Þarna var mikið af fjölskyldufólki og alls konar fólki, fólki með sínum heittelskaða eða heittelskuðu og það var líka gaman að sjá að aldrei þessu vant var mikið af fólki með hunda af öllum  tegundum i miðbænum. Það var ekki síður gaman að skoða alla þessa fallegu hunda, heldur en mannfólkið og mér finnst það synd að oftast er bannað að vera með hunda í miðbænum.
Við systurnar hittum bróður okkar í Lækjargötu og hann var líka upprifinn og í góðu skapi eins og allir aðrir. Ekki spillti veðrið heldur fyrir, sól og sautján stiga hiti.

Það er frábært að Íslendingar séu svona jákvæðir í garð homma og lesbía, því víða í heiminum er fólk drepið fyrir að sinna kalli hjartans í sínum ástamálum.

Samkynhneigð hefur alltaf verið til og mun alltaf vera til. Samkynhneigð er heldur ekki bundin við mannkynið eitt, því mörg dæmi eru til um samkynhneigð dýr, bæði úti í náttúrunni og hjá tömdum dýrum.  Svo nærtækt dæmi sé tekið þá eru til  dæmis  margar samkynhneigðar endur á Tjörninni í Reykjavík. Ég bý líka sjálf með tveimur hommum, það eru kettirnir mínir tveir, sem eru báðir fress. Þeir elska hvor annan fölskvalaust, sofa stundum með vangana saman og þvo hvor öðrum hátt og lágt. Já og mynda sig til þess að makast hvor með öðrum og ef annar þeirra er eitthvað vansæll þá rýkur hinn til og huggar hann. Svo geta þeir slegist á milli, en allt í góðu samt.

Við skulum muna það að bæði menn og dýr eru ólík innbyrðis. Enginn er eins, sumir eru gagnkynhneigðir, aðrir tvíkynhneigðir og  enn aðrir samkynhneigðir. Við rúmumst öll undir litum regnbogans og þar er nóg pláss fyrir alla okkar ást og fyrir mismunandi kynhneigðir okkar. 

En því miður er enn til fólk sem lifir í fordómum gagnvart öðrum að þessu leyti og sorglegt að margt af þessu fólki telur sig trúa öðrum heitar, á Guð og Jesú sem boðaði ást og umburðarlyndi milli allra  manna. 

Ég veit þess dæmi að fólk sem hefur verið mjög trúhneigt í lífi sínu og sem hefur komið út úr skápnum seint á ævi sinni hefur verið útskúfað af meðbræðrum sínum og systrum í trúnni. Slíkt hefur jafnvel leitt til hinna hörmulegustu atburða svo sem sjálfsvíga þessa fólks sem fær ekki frið til þess að hlýða kalli hjarta síns.

Mér finnst það hroki og beinlínis rangt af þeim strangtrúuðu að dæma meðbræður sína fyrir þær kenndir sem þeim eru áskapaðar og halda samt stíft fram eigin ágæti og hreykja sér hærra en nokkrum manni er leyfilegt. Þetta fólk heldur því fram að þeir sem ekki trúa á Guð á sama forpokaða mátann og það sjálft, fari beint til Helvítis, en það sjálft aftur á móti beint til himna.  Höfum í huga það sem Jesús sagði, 'Dæmið ekki svo þér verðið ekki sjálfur dæmdur' 


Blues

Ég hef verið ansi blúsuð undanfarnar vikur. Hef varla haft mig í það að fara út úr húsi, eða á nokkur mannamót. það er eins og einhver andlegur doði sé yfir mér. Ég er búin að sækja um óteljandi vinnur en fæ enga ennþá. Ég hef heldur ekki haft mig uppí að gera neitt af viti eins og að mála mynd eða yrkja.
Aftur á móti hef ég verið dugleg hérna heima við, svo sem að taka til og endurbæta ýmislegt í íbúðinni minni. En það er ekki nóg. Svo í dag birti til því vinkona mín, mamma hennar og ég fórum saman á Magma, hönnunarsýninguna á Kjarvalsstöðum og kíktum líka inn á litla Kjarvalssýningu á staðnum.
Mér fannst margt skemmtilegt að sjá á hönnunarsýningunni, en það sem lyfti mér í hæstu hæðir var lítil mynd eftir meistara Kjarval. Þessi mynd var eins og opinberun, svo allt öðruvísi en allar aðrar myndir sem ég hef séð eftir meistarann og eru allar myndir hans þó  fullkomnar.
Það stóð við myndina að hún væri ókláruð, en mér fannst hún vera fullkomin. Mér finnst svo skrýtið að þegar ég sér mikil listaverk að þá bókstaflega drekk ég þau í mig með augunum. Ég finn greinilega tilfinninguna í augunum þegar augað nemur myndina og eins og sýgur hana í sig  og alveg upp í heila og þaðan dreifist upplifunin út um allan líkamann.
Þessu fylgir ólýsanleg unaðstilfinning og mér finnst eins og ég gangi inn í myndina og komist í einhvers konar ' rúss' eða sæluvímu. Nú þegar ég sit hér við tölvuna hugsa ég um þessa mynd og hversu mikla gleði og birtu hún veitti mér með látlausri fegurð sinni og ég ég fer að sofa fullviss um það, að það muni birta fljótlega til í lífi mínu líka. 

« Fyrri síða | Næsta síða »

Höfundur

Svava frá Strandbergi
Svava frá Strandbergi

Myndlistarmaður. Smellið á myndina til að sjá verð á skopmyndum sem og eftirprentunum úr galleryi.
Myndir á þessarri síðu eru verndaðar af höfundarrétti hjá Myndstef.

Innskráning

Ath. Vinsamlegast kveikið á Javascript til að hefja innskráningu.

Hafðu samband