Ég er svona að velta því fyrir mér, hvort íslenska menntakerfið...

myndi ekki hækka í áliti hjá OECD, ef það  tileinkaði sér slíkan skilning  sem þessi æðrulausi prófdómari virðist hafa á því, sem nemendur, yfirleitt allir með tölu, hafa endalausan og óþrjótandi áhuga á. Og hafa alltaf haft.

Fuck, er einfaldlega lykilorð hjá unglingum. Þeir brúka það, þegar þeim sjálfum langar  til að 'fucka´ einhvern, eða einhverja, eða þá til þess, að aðrir 'fucki' þá.
Strákarnir fá útrás fyrir reiði og Ödipusarduld sína þegar þeir segja öðrum strákum, að 'fucka' mömmu sinni.

Svo er einnig til í dæminu, að kalla vini sína 'fucking good friends.´ Matur er líka oft 'fucking good´ 'Fuck you, er einnig vinsælt að nota sem tákn um, undrun eða gleðihróp þegar vinir hittast  og svo má lengi telja.

Sem sagt, kynhvötin  tröllríður ungu kynslóðinni, nú sem fyrr. Það  er bara málið að virkja hana á jákvæðan hátt og þá  mun upprísa fullnægjandi  menntakerfi hér á landi, sem mun geta af sér góðan ávöxt. Og það sem mest er um vert, vonandi gott orðspor hjá OECD. 

 

Mynd úr kynfræðslubókinni 'Um stelpur og stráka'. Myndskreytingar, Guðný Svava Strandberg. 

Fékk einkunn fyrir tveggja blótsyrða ritgerð

Athugasemdir

[Árni Sigurður Pétursson, 1.7.2008 kl. 02:53]

http://www.jokefrog.com/flash/history-of-the-f-word.shtml

:) 

[www.zordis.com, 1.7.2008 kl. 08:30]

Það er bara svoooonnnnna!

Ekki fallegt að hnýta blótsyrðum í tungumálið okkar hvað þá enskum orðslettum.

Fléttumál er kanski rétta orðið .. Salvador Dalí var með sitt eigið mál þegar hann fór víðreyst og þótti sérkennilegt. 

Knús inn í daginn þinn G.S.  Nú styttist  og styttist í sumarlokin og sumarið varla hafið.

[Steinunn Helga Sigurðardóttir, 1.7.2008 kl. 12:52]

það er alltaf best að mæta öllum þar sem eru, hvort sem er unlingum, öðrum þjóðum eða dýrum eða bara hvert öðru.

knús og kærleikur til þín

steina 

[Svava frá Strandbergi , 1.7.2008 kl. 14:43]

Já, Zordís og sumarið nýbyrjað, en samt komið bráðum mitt sumar. Hlakka til að sjá þig í júlí.
Fléttumál já, stundum er sagt að fólk flétti saman blótsyrðunum, sem er ekki beint fallegt finnst mér.

Sýningin í Gerðubergi byrjar 16. september og stendur í 8 vikur. Ég á bara eftir að skrifa undir samninginn við Gerðuberg og þeir eiga eftir eftir að velja myndirnar, sem þeir munu gera í byrjun ágúst.
Gerðuberg sér um að hanna, prenta og senda boðskort fyrir mig og sér líka um veitingar. Einnig er í boði að kór Gerðubergs syngi við opnunina.
Verst ef þú verður ekki á landinu þá, en við hittumst nú á sýningunni okkar í Ráðhúsinu.
Knús til þín í sólina á Spáni.

[Svava frá Strandbergi , 1.7.2008 kl. 14:45]

Það er rétt Steina, að best er að mæta öllum þar sem þau eru. Þannig næst bestur skilningurinn.

Knús til þín og dýranna

[Ásdís Sigurðardóttir, 2.7.2008 kl. 19:07]

Menn tvinna saman ýmsum ljótum orðum, satt er það.  En mikið er þetta allt spennandi með sýningar ykkar síðsumars.  Knús

[Guðný Anna Arnþórsdóttir, 2.7.2008 kl. 21:09]

Mín kæra nafna; komst ekki til að hringja annan daginn í röð, hringi á morgun! 

[Svava frá Strandbergi , 3.7.2008 kl. 00:25]

Sæl nafna mín. Allt í lagi.