Um tómata og rabbabara

Ég var sjúk í tómata þegar ég gekk með fyrsta barnið mitt sem var drengur. þegar ég gekk með annað barnið varð ég svo vitlaus í rabbabara. Það barn var líka drengur. Hann var skírður Rafn í höfuðið á föðurafa sínum, en ég kallaði hann Rabba. Síðast eignaðist ég stúlku, en þá brá svo við að mig langaði aldrei í neitt sérstakt.
Stundum þegar börnin voru lítil hafði Rabbi kannski sagt systkinum sínum  einhverja tröllasögur, því hann er mjög stríðinn. Systkini hans sögðu mér þessar furðusögur bróður síns,  oft með öndina í hálsinum af æsingi, en ég sagðist ekki trúa þessari vitleysu.
Þá svöruðu þau oftast, 'Jú, mamma þetta er alveg satt'  'Spurðu Rabba bara!'

Skrýtnar kenndir á meðgöngu

Athugasemdir

[Kristín Katla Árnadóttir, 29.4.2008 kl. 10:03]

Já það er margt furðulegt sem við konur tökum upp á í sambandi við meðgönguna.

[Ragnhildur Jónsdóttir, 29.4.2008 kl. 10:15]

Hahahah "spurðu Rabba-bara!" það er eins gott að passa hvað er borðað á meðgöngunni

[www.zordis.com, 29.4.2008 kl. 14:18]

Sniðugt að heyra með Rabba barann   Ég var algjör tómatakerling með minn son undir belti.  Gekk helst með nokkra í vasanum .... (kanski ekki alveg) Ennnn mikið fannst mér þeir góðir!

[Guðný Anna Arnþórsdóttir, 29.4.2008 kl. 22:10]

Til að deila með ykkur: Á fyrri meðgöngu minni hóf ég ólífuát mikið og hefur því ekki linnt síðan. Á síðari meðgöngu minni hóf ég brokkolíát mikið og hefur því ekki heldur linnt síðan. Nú kann ég allskonar uppskriftir með fyrrgreindum fæðutegundum.

[Svava frá Strandbergi , 30.4.2008 kl. 00:47]

Þetta er góð blanda hjá okkur, tómatar, rabbabari, olífur og brokkál. Skyldi ekki vera hægt að matreiða rétt með öllum þessum fæðutegundum í og kalla hanna 'Eftirlæti ófrískra kvenna', eða 'Meðlæti á meðgöngu?'