Í tilefni af útlendingahatri

' Ró , ró og rambinn, Ísland fyrir Íslendinga. Látum þá dragnast áfram í láglyftum moldarkofum sínum og hryggi þeirra halda áfram að bogna í gaungum og baðstofukytrum, þar sem það kostar rothögg að rétta úr sér; kanski verða þeir ferfættir á endanum. Látum þá mæðast áfram brjóstsjúka af því að sofa í reykjarsvælu og moldardauni, sljóeyga, óframfærna og volaða, vegna þess að þeir þora eigi að láta sál sína hrífast.

Látum þá skemmta sér með því að hæða hver annan á bak, dreifa út lastmælgi , níðvísum og  klámi hver um annan, og eiga það æðst áhugamála að komast hjá því að kaupa harmoníum í kirkjuskriflið sitt. Látum þá þamba áfram kaffi sitt, taka í nefið og tyggja skro, og forsóma að veita líkama sínum hina einföldustu hirðu, já að bursta á sér tennurnar, en forðumst að minna þá að að kaupa sér spegla , því þá gæti farið fyrir þeim eins og skoffíninu.

Eða er ekki Ísland fyrir Íslendinga? Látum þá velta sér í sóðaskapnum, svo framvegis sem þeir hafa gert í átta hundruð ár, eilíflega kvefaðir og sullaveikir, konurnar horaðar og útþvældar af striti og barneignum, krakkarnir kirtlaveikir, lúsugir og flámæltir, agaðir í vitundinni um að þeir séu kotúngar, með kala innrættan til hinna fáu manna sem voga sér að gánga keikir.'

 

Halldór Laxness 

Athugasemdir

[Jón Steinar Ragnarsson, 22.2.2008 kl. 02:57]

Sé nú mikla skammsýni í því að andæva rasisma með að hæða land og þjóð með yfirlæti og fyrirlitningu versta rasista.  Jafnvel þótt meistari Laxness geri það.  Hann var að sönnu ekki óskeikull í mati sínu og malanda.

Hann gleymdi því gjarnan að hann var íslendingur sjálfur og aktaði einna helst eins og enskur lord, þótt hann lifði á sníkjum mest framan af æfi.

[Svava frá Strandbergi , 22.2.2008 kl. 10:00]

Ég tel mig ekki vera að hæða land og þjóð, þó ég minnist þess að Íslendingar hafi átt sín erfiðu tímabil í sögu sinni og hafi þurft að þola mikla fátækt og niðurlægingu eins og margar þær þjóðir sem til okkar mæna í von um betra
líf. Mér finnst að okkur sér hollt að minnast þessa niðurlægingartímabil Íslendinga, til þess að  lækka  í  okkur  mesta  rostann og yfirlætið.
Það gæti kannski orðið til þess að við sýnum öðrum þjóðum sem til okkar leita meiri skilning.

Annars var Laxness kommúnisti og ég veit ekki til  þess, að hann hafi nokkru sinni, fengið inngögngu í neina lávarðadeild. Mér finnst þú sjálfur sýna skammsýni með því að andæva skrifum mínum með niðrandi orðum um mann sem ekki getur lengur borið hönd fyrir höfuð sér, þótt hann hefði eflaust átt hægt með að kveða þig í kútinn í kappræðum, væri hann enn á lífi.  

[Ásdís Sigurðardóttir, 22.2.2008 kl. 14:02]

Já, það er öllum hollt að líta til uppruna síns.  Helgarkveðja 

[Þorkell Sigurjónsson, 22.2.2008 kl. 15:45]

Sæl og blessuð.  Ég sé ekki ástæðu til að tilkalla gengið NÓBELSKÁLD í þessa umræðu þar sem mér sýnist þú Svava mín halda vel á þínum spilum í andmælum á skrifum vinar míns, Jóns Steinars. Rétt er það Svava, að Laxness var lengst af kommi, en þegar elliglöp sóttu á hann snérist hann frá trúnni .  Innilegar kveðjur til ykkar.

[Kristín Katla Árnadóttir, 22.2.2008 kl. 16:06]

Góða helgi Guðný mín.

[Adda bloggar, 22.2.2008 kl. 17:36]

[Svava frá Strandbergi , 22.2.2008 kl. 17:45]

Takk Adda mín og sömuleiðis. Mikið er þetta flott kveðja hjá þér. Ég vildi óska að ég kynni að setja svona á bloggið.