Upplýsandi umræður milli Íslendinga og innflytjenda

það var mikið fjör á síðasta húsfundi og margt spjallað á íslensku, ensku, litháísku og  pólsku. Albanarnir á neðstu hæðinni sem ollu mér þungum búsifjum þegar þeir puðruðu drullunni úr loftræstikerfinu yfir þvottahúsið mitt létu ekki sjá sig. þess vegna var engin albanska töluð á þessum fundi.
 Við ræddum um nauðsyn þess að láta mála stigaganginn og teppaleggja og fleira.
 það fussaði í litháísku konunni þegar við töluðum um að láta mála. það svo expensive láta mála, í Litháen fólk gera svona sjálft saman, sagði hún. 
Það varð smá þögn við þessi orð konunnar en svo sagði formaðurinn þungur á brún. Og hver á svo með leyfi að labba á milli íbúða og fá fólk til þess að vera samtaka í því að mála sjálft the stigagang ?  Ekki geri ég það, bætti hún svo við í fússi. 
Allt í lagi, ég vera húsvörður. Ég gera þetta, sagði sú litáíska. Formaðurinn missti andlitið en leit samt spurnaraugum á okkur hin. Hverjir eru samþykkir þessu, spurði hún svo í uppgjafartón.
Allir réttu upp hendina og þar með kusum við fyrsta 'innflytjandann' í húsinu í þetta virðingarverða embætti. 
það líka þarf laga the roof, sagði nýji formaðurinn. það leka hjá okkur efst uppi.
Jahá, hún ætlaði aldeilis að færa sig uppá skaftið, eyða bara öllu um efni fram um leið og hún var búin að taka við embættinu.
Jaá það verður náttúrulega að láta laga það. Fáum einhvern iðnaðarmann til að líta á þetta, önsuðum við.
Nei, nei allt í lagi maðurinn minn gera það. Gera hvað? Tala við iðnaðarmanninn.? Spurðum við eins og hálfvitar.
Nei hann maðurinn laga the roof, svaraði nýji formaðurinn. Það svo cheap gera það sjálf. Ekki láta gera það, expensive
Hann bara þarf vita hvar kaupa the stuff for the roof, bætti hún við.
 Við samþykktum þetta auðvitað eins og skot náttúrulega gegn því að borga manninum eitthvað fyrir verkið.
Við vorum búin að átta okkur á því að innflytjendurnir sem bjuggu í blokkinni okkar vissu hvernig átti að fara að hlutunum. Okkur rámaði líka eitthvað í það að hér áður fyrr hefði fólk á Íslandi vitað það líka.
Ég minntist meira að segja á það með stolti að þegar ég var  einbýlishúss eigandi á mínum yngri árum hefði ég sjálf múrað útidyratröppurnar og fleira og málað húsið mitt að utan upp undir þakskegg á annarri hæð. 
Það þurfti líka að skipta um ljósarofa á ganginum og bauðst Pólverjinn til að taka það að sér gegn pay en auðvitað cheaper en the electrician.

Svo upplýsti hann okkur um það að hann væri búinn að leigja út íbúðina sína í stigaganginum og væri að flytja í aðra íbúð sem hann hefði keypt í Fossvogshverfi.

Helmingur umfjöllunar um innflytjendur á síðasta ári var hlutlaus

Athugasemdir

[Svava frá Strandbergi , 22.3.2007 kl. 01:46]

Já finnst þér ekki? Já ég veit hvaða blokk þú átt við Anna. 

[Gúrúinn, 22.3.2007 kl. 08:45]

Er hann þá ekki orðinn útflytjandi?

[gerður rósa gunnarsdóttir, 22.3.2007 kl. 10:26]

Hahahaha alger snilld

[Sigfús Sigurþórsson., 22.3.2007 kl. 18:54]

Hahaha, þetta er sú alskemmtilegasta færsla sem ég lengi hef lesið, og meira að segja 3las. Takk fyrir daginn Guðný, honum er reddað.

[Svava frá Strandbergi , 22.3.2007 kl. 19:51]

Verði þér nú reglulega að góðu Partners minn. 

[Katrín Snæhólm Baldursdóttir, 22.3.2007 kl. 20:57]

það er greinilega mikið fjör að búa í þinni blokk Guðný mín.

Innflytjendur og útflytjendur og allir að spara og laga saman..hehe.

[www.zordis.com, 22.3.2007 kl. 21:27]

Ekki skortir áhugann á að gera hlutina not of expensive!  Kokhraustir íslendingar þekkja þetta ekki lengur.  Fá bara tilboð og þar með allt í gúddý ......

Skemmtileg lesning og röggsöm þessi útlenska kona.

[Pétur Þór Jónsson, 22.3.2007 kl. 22:05]

Þú verður að fá stóran orðabókastyrk dúllan mín

[Svava frá Strandbergi , 23.3.2007 kl. 00:02]

Mikið fjör og með þessum nýtilkomna sparnaði endum við öll í einbýlishúsum. Alla vega innflytjendurnir.

Já hún er röggsöm þessi kona og úrræðagóð sem við Íslendingar kunnum ekki lengur.

Ég sæki strax um styrk Pétur.

[Svava frá Strandbergi , 23.3.2007 kl. 01:00]

Já ég kannast við rekkverkið en ég  hef aldrei séð hana. Ég öfunda hana af þessum litla garði móti sól því ég átti einu sinni stóran garð og undi mér löngum í honum. Annars hugsa ég ein um garðinn hér í blokkinni. Plantaði upp á mitt eindæmi trjám, runnum og fjölærum plöntum. Ég bið að heilsa þessari konu.

[Ester Sveinbjarnardóttir, 24.3.2007 kl. 06:28]

Alltaf gott að hafa handlagið fólk í kringum sig ég er í fjölskyldu þar sem allir gera allt sjálfir, svo það er enn til hjá íslendingum.

[Svava frá Strandbergi , 24.3.2007 kl. 07:45]

Gott að vita það Ester.